Ни өсөн дарыуханаларҙа градусниктарға, антибиотикка ҡытлыҡ?

– Дарыуханаларҙа ни өсөн терегөмөшлө градусниктар һатылмай?
– 2013 йылда Минаматта үткән терегөмөш буйынса конференцияла туҡһандан ашыу ил 2020 йылға тере- гөмөшлө градусниктарҙан баш тартыу тураһында ҡарар ҡабул итте. Рәсәй 2014 йылда тағы 28 ил менән бергә ошо килешеүгә ҡушылды. Был конвен­цияға ярашлы, донъяла үлсәү прибор­ҙары, лампа, антисептик шыйыҡсалары, косметика сараларын етештергәндә терегөмөш ҡулланыуҙы туҡтатырға тейештәр. Был кеше һаулығы өсөн мөһим.
Шул сәбәпле дарыуханаларҙа терегөмөшлө градусниктар көндән-көн кәмей бара. Уның ҡарауы һатыуҙа электрон термометрҙар бар.
– Һатыуҙа антибиотиктар ҙа юҡ. Был мәсьәлә нисек хәл ителә?
– Антибиотиктар тик табип тәғәйенләгән рецепт буйынса ғына һатыла.
Уларҙы дарыуханаларға килтереү өлөшләтә дауам итә. Дарыу препараттарын маркировкалау операторы – Перспектив технологияларҙы үҫтереү үҙәге менән ҡыйынлыҡтар бар. Прог­раммалағы өҙөклөктәр арҡаһында дарыухана пункттары ғаризаларын ҡәнә­ғәт­ләндереүҙә тотҡарлыҡтар барлыҡҡа килде.
Шуға дарыу препараттарын мотлаҡ теркәү һәм маркировкалауҙы ваҡытлыса туҡтатырға ҡарар ителде.
Айҙар САМАТОВ әҙерләне.