Яңы евроконтейнерҙар алыу дауам ителәсәк

Ҡаты коммуналь ҡалдыҡтар менән эш иткән төбәк операторы 450 яңы евроконтейнер алды.

Оҙаҡламай улар баш ҡалабыҙҙа һәм райондарҙа ҡуйыла башлаясаҡ. Контейнерҙарҙың был партияһы яңыртылған: һәр береһе ҙур һәм ваҡ сүп-сар өсөн уңайлы итеп асылыусы ике ҡапҡас менән йыһазландырылған.

Контейнер паркын яңыртыу – «Экология» милли проекты сиктәрендә ҡуйылған өҫтөнлөклө йүнәлештәрҙең береһе, шуға ҡалдыҡтарҙы йыйыу өсөн яңы сүп-сар һауыттарын һатып алыу дауам ителәсәк.

– Беҙ 2 мең 500-ҙән ашыу хәҙерге заман контейнерҙарын алдыҡ, шуларҙың 849-ы пластик әйбер, быяла һәм ҡағыҙ ҡалдыҡтарын айырым йыйыу өсөн тәғәйенләнгән, – тип аңлатты был төбәк операторының матбуғат сәркәтибе Андрей Яматин.