+25 °С
Ясно
Новости
11 Февраля 2020, 12:05
“Сәләмәт быуын – көслө төбәк”
“Сәләмәт быуын – көслө төбәк” проекты БР Йәштәр сәйәсәте һәм спорт министрлығы аша тормошҡа ашырыла. Янғантау урта мәктәбе 2017 йылдан ошо программаға кергән.Яңыраҡ Янғантау урта мәктәбе БР Йәштәр сәйәсәте һәм спорт министрлығынан “Сәләмәт быуын – көслө төбәк” проектына инеүен раҫлаусы Таныҡлыҡ алды.
“Сәләмәт быуын – көслө төбәк” проекты БР Йәштәр сәйәсәте һәм спорт министрлығы аша тормошҡа ашырыла. Янғантау урта мәктәбе 2017 йылдан ошо программаға кергән.
– Беренсе кластан 20 баланы ошо йүнәлеш буйынса уҡытабыҙ. Хәҙер улар – 3-сө класта. Уҡыусылар аҙнаһына 6 сәғәт өҫтәмә физик культура менән шөғөлләнә. Мәктәп программаһы буйынса тағы 3 дәресте өҫтәһәң, дөйөм улар 9 сәғәт физкультура менән мәшғүл булып сыға. Проект етәксеһе – уҡытыусы Айҙар Динисламов, – ти мәктәп директоры Фирғәт Ғимранов.
Яңыраҡ Янғантау урта мәктәбе БР Йәштәр сәйәсәте һәм спорт министрлығынан “Сәләмәт быуын – көслө төбәк” проектына инеүен раҫлаусы Таныҡлыҡ алды.
– Ошо проект буйынса матди-техник базабыҙҙы нығытасаҡбыҙ. Министрлыҡ аша финанс ярҙам бүленеп, спорт инвентарҙары ҡайтарыласаҡ, – тип аңлатты Фирғәт Факил улы.
Мәктәптә спорт, физик культура менән шөғөлләнеү өсөн балаларға тейешле шарттар тыуҙырылыуы сәләмәт быуын тәрбиәләргә булышлыҡ итәсәк.
Айҙар НОҒАМАНОВ.
