Социаль координаторҙар яугирҙәрҙең ғаиләләре менән осрашты

Социаль координаторҙар Дилә Ғәлиуллина, Гөлназ Вәлиева һәм Илнур Ҡарабулатов оҙатыуында йөҙҙән ашыу инвалид МХО ветераны һәм махсус операцияла һәләк булғандарҙың ғаиләләре. Эшләгән осорҙа улар 800-гә яҡын мөрәжәғәт алған.

Фонд филиалы хеҙмәткәрҙәре Әбйәлил районы хакимиәте һәм Рәсәйҙең социаль фонды менән берлектә Байым, Ташбулат һәм Таштимер ауыл биләмәләрендә МХО-ла ҡатнашыусыларҙың ғаиләләре менән осрашыуҙар үткәрҙе. Улар тағы ла бер тапҡыр ярҙам саралары хаҡында ентекле һөйләне. Яугирҙәрҙең ҡатындары һәм әсәләре үҙҙәрен ҡыҙыҡһындырған һорауҙарҙы бирҙе. Кемдер яуап алды, ҡайһы бер һорауҙар ҙа эшкә алынды. Осрашыу сәй табыны менән тамамланды, унда һөйләшеү рәсми булмаған шарттарҙа дауам итте.

Бындай саралар ярҙамында көнүҙәк проблемаларҙы хәл итеү еңелләшә. Әбйәлил районы социаль координаторҙары барлыҡ ауыл биләмәләрендә махсус хәрби операция ветерандары һәм уларҙың ғаиләләре менән осрашырға ниәтләй, тип хәбәр иттеләр "Республика Башкортостан" гәзитенә фондтың филиалында.

Иҫегеҙгә төшөрәбеҙ, "Ватанды һаҡлаусылар" фонды филиалы Өфө ҡалаһы, Минһажев урамы, 107 адресы буйынса урынлашҡан. Ул ял көндәрһеҙ 9.00-ҙан 18.00 сәғәткә тиклем эшләй. Алдан консультацияны 8 (347) 268-01-02 телефоны буйынса алырға мөмкин.

Фондтың республика филиалының эше тураһында тулыраҡ мәғлүмәт менән уның социаль селтәрҙәге төркөмөндә танышырға мөмкин.

Фото: "Ватанды һаҡлаусылар" фондының Башҡортостандағы филиалы.