Ҡырмыҫҡалы районында "Йәйге Шайморатов уйындары"ның финалы үтте

"Йәйге Шайморатов уйындары"н асыу тантанаһында Ҡырмыҫҡалы районы хакимиәте башлығы Әлфир Сабиров балаларҙы сәләмләне. Сара Ҡырмыҫҡалы ауылында Физкультура-һауыҡтырыу комплексында үтте, тип хәбәр итә "Кармаскалинская новь" гәзите.

- Беҙҙең район бөгөн әүҙем, көслө балаларҙы ҡабул итә. Легендар генерал Миңлеғәле Шайморатовтың тыуған ерендә "Йәйге Шайморатов уйындары"ның финалы үтә. Алда һеҙҙе етди һынауҙар көтә. Барығыҙға ла уңыштар теләйем. Иң көслө ҡатнашыусы еңһен! - тип теләне Әлфир Сабиров.

Башҡортостандың мәғариф министры урынбаҫары Әлфиә Ғәлиева һөйләүенсә, республикабыҙҙа 5000 шайморатовсы бар, мәктәптәрҙә 251 шайморатов класы иҫәпләнә.

- Был иҫәп буйынса бишенсе «Йәйге шайморатов уйындары». Улар 7 сентябрҙән 21-нә тиклем барҙы. Ете зона ярыштарында 181 команда ҡатнашты. 29 көслө йыйылма команда Рәсәй Федерацияһы Геройы генерал-майор М.М. Шайморатов исемендәге Кубок өсөн көрәшәсәк, - тип билдәләне ул.

"Гарик" позывнойлы махсус хәрби операция яугиры сараға саҡырғандары өсөн рәхмәт белдерҙе.

- Үҙемдән генә түгел, махсус хәрби операцияла ҡатнашыусыларҙың барыһы исеменән дә сәләмләйем. Илебеҙҙең геройҙары хаҡында иҫтәлекте ҡәҙерләүегеҙ өсөн барығыҙға ла рәхмәт. Мин республиканың төрлө мөйөштәренән күп командалар күрәм. Һәм был беҙҙең ҙур бер бөтөн икәнебеҙҙе иҫбатлай. Берҙәм булғанда, беҙҙе бер кем дә еңә алмаясаҡ, - тине хәрби хеҙмәткәр.

Райондың "Йәйге шайморатов уйындары" финалын үткәреү хоҡуғы юҡҡа һайланмаған. Былтыр Ҡырмыҫҡалы ауылы гимназияһының 5А класы командаһы ярыштарҙың абсолют чемпионы булды. 

"Йәйге Шайморатов уйындары" финалын үткәреү майҙансығы итеп физкультура-сәләмәтләндереү комплексы, шулай уҡ былтыр "Мәктәп системаларын яңыртыу" федераль программаһы буйынса капиталь ремонттан һуң асылған 2-се мәктәп һайланды. Мәктәп фойеһында райондың хәрби-патриотик клубтары күргәҙмәһе эшләне.

Уйындарҙа ҡатнашыусылар интеллектуаль викторина үтте, республиканың спилс-картаһын йыйҙә, сафта йөрөү һәм йыр смотрында, АК-74 автоматын һүтеп йыйыуҙа, йәйәнән уҡ атыуҙа, оҙонлоҡҡа һикереүҙә һәм турниктан күтәрелеүҙә ярышты. Ярыш йомғаҡтары буйынса команда һәм шәхси беренселектәрҙә еңеүселәр һәм призерҙар билдәләнәсәк.

Фото: "Кармаскалинкая новь".