Шишмә районында «Патриот» паркы «ГеоВызов» чемпионатында ҡатнашыусыларҙы ҡабул итергә әҙер

Комиссия ағзалары билдәләүенсә, ярыштарҙың бөтә урындары ла әҙерләнгән һәм кәрәкле инвентарь менән йыһазландырылған, ә ҡатнашыусылар йәшәйәсәк «Патриот» корпусында уңайлы шарттар булдырылған. Һуңғы штрихтар ҡала: наградалар комплектын һәм сувенирҙар әҙерләргә.

Геологтарҙың ике командаһы - Чечнянан һәм Ҡаҙағстандан - Өфөгә бөгөн үк киләсәк. Чемпионаттың ваҡиғаларын рәсми сайтта, Башҡортостан Республикаһының Ер аҫты байлыҡтарын файҙаланыу буйынса ведомство-ара комиссияһы сайтында һәм телеграм-каналда күҙәтеп барырға мөмкин.

- Беҙ фән кешеләренә, геологтарға һәм ҡатнашыусыларға ҙур иғтибар бирергә әҙер, - тип билдәләне Башҡортостан Хөкүмәте Премьер-министры урынбаҫары - Хөкүмәт аппараты етәксеһе Азамат Абдрахманов. - Беҙ уларға республиканың бөтә матурлығын күрһәтергә, сараны юғары кимәлдә уҙғарырға һәм уны оҙаҡҡа хәтерҙә ҡалыр өсөн барыһын да эшләргә тейешбеҙ.

Мария СНЫТКИНА.

Сығанаҡ: https://resbash.ru/news/obrazovanie/2023-09-15/park-patriot-v-chishminskom-rayone-bashkirii-gotov-prinyat-uchastnikov-chempionata-geovyzov-3438597