Волга буйы федераль округының IV Йәштәр форумы нисек үтә

- Форум дүртенсе тапҡыр үтә, быйыл тәүге тапҡыр йәштәр сәйәсәте органдары һәм учреждениелары белгестәре өсөн тематик смена планлаштырғанбыҙ, - тип билдәләне Башҡортостандың Йәштәр сәйәсәте буйынса дәүләт комитеты рәйесе Яна Гайдук. - Балалар өсөн был форум - үҙ һәләттәрен үҫтереү, тәжрибә алыу мөмкинлеге генә түгел, шулай уҡ үҙ проекттары өсөн финанс ярҙам алыу мөмкинлеге лә.

Ауыл йәштәре

Форумдың туғыҙ майҙансығының береһе ауыл йәштәренә арналды. Ул агросәнәғәт комплексының йәш вәкилдәре һәм йәш белгестәр өсөн. Майҙансыҡта ауыл еренә ҡағылышлы төрлө проблемалар тикшерелде. Атап әйткәндә, ҡатнашыусыларға бөгөнгә үҙҙәренең тораҡ пунктын күҙ алдына килтереүе һәм 5-10 йылдан уның ниндәй буласағы хаҡында һөйләргә тәҡдим ителде. Фекер алышыу барышында ҡатнашыусылар йәштәргә ауылға күсеп китеүҙең төп сәбәптәрен атаны. Ҡайһы берәүҙәр әйтеүенсә, ҡаланан күсереү теләге насар үҫешкән инфраструктураға бәйле. Ләкин шул уҡ ваҡытта ауыл экология, шәхси торлаҡ һәм ярҙамсы хужалыҡ менән ылыҡтыра. Майҙансыҡта, хәҙер илдә һаулыҡ һаҡлау, мәғариф һәм ауыл хужалығы өлкәһендә йәш белгестәрҙе йәлеп итеү өсөн бик күп программалар тормошҡа ашырыла, тип билдәләнеләр.

Евразия ғилми-тикшеренеү үҙәгенең студенттар кампусы

Форум сиктәрендә Евразия ғилми-белем биреү үҙәгенең вуз-ара студенттар кампусын үҫтереүгә арналған стратегик сессия үтте. Форумда ҡатнашыусылар белем биреү үҙәген үҫтереүҙә үҙ ҡараштары менән уртаҡлашты һәм мөһим һорауҙарға яуап бирҙе: үҙәкте нисек йыһазландырыу, беренсе сиратта ниндәй йүнәлештәрҙе үҫтереү, яңы вуз алдында ниндәй бурыстар тороуы.

Өс көн дауамында республика йәштәре ораторлыҡ оҫталығына ғына өйрәнеп ҡалмай, социаль селтәрҙәр өсөн сифатлы контент булдырырға, иң яҡшы спикерҙарҙан белем алырға ла тейеш була.