Республика Башлығы Шыршыһы нисек үтәсәк?

Мәғариф һәм фән министрлығынан белдереүҙәренсә, байрам сараһы һәр муниципалитет һәм ҡала округы өсөн айырым ойоштороласаҡ. Йолаға әүерелгән республика Башлығы Шыршыһына йыл һайын 800-гә яҡын бала саҡырыла торғайны. Коронавирус пандемияһы, сикләүҙәр индерелеү сәбәпле, быйыл уны башҡасараҡ уҙғарырға ҡарар ителде. Министрлыҡтың матбуғат хеҙмәтенән хәбәр итеүҙәренсә, Радий Хәбиров исеменән бүләктәр 780  балаға бер көндө – 24 декабрҙә тапшырыласаҡ. Уларҙы фән олимпиадаларында һәйбәт һөҙөмтәләр күрһәткән, спорт ярыштарында һәм башҡа бәйгеләрҙә уңыштарға ирешкән, аҙ тәьмин ителгән күп балалы ғаиләләрҙән, сәләмәтлектәре буйынса мөмкинлектәре сикләнгән, ата-әсә ҡарауынан мәхрүм, шулай уҡ хеҙмәт бурысын үтәгәндә һәләк булған хәрбиҙәрҙең һәм эске эштәр органдары хеҙмәткәрҙәренең балалары аласаҡ.

Фото: https://newsbash.ru/society/shool/.