Эш бәләкәйҙән башлана

Башҡортостан Башлығы вазифаһын ваҡытлыса башҡарыусы Радий ХӘБИРОВ ауылдарҙа законһыҙ алкоголь һатыуға ҡаршы көрәшергә ҡушты. Беҙҙең районда ла был эш әүҙемләште. Уның менән хоҡуҡ һаҡлау һәм власть органдары ғына шөғөлләнмәй, йәштәр йәмәғәт ойошмалары ла ошо эшкә дәррәү ҡушылды.

Башҡортостан Башлығы вазифаһын ваҡытлыса башҡарыусы Радий ХӘБИРОВ ауылдарҙа законһыҙ алкоголь һатыуға ҡаршы көрәшергә ҡушты. Беҙҙең районда ла был эш әүҙемләште. Уның менән хоҡуҡ һаҡлау һәм власть органдары ғына шөғөлләнмәй, йәштәр йәмәғәт ойошмалары ла ошо эшкә дәррәү ҡушылды.

Йыл башынан Мәсетле ауылы биләмәһе ир-егеттәре “Рух” тип аталған ойошмаһын булдырып, “йәшел йылан”ға көрәш асты. Ауылдарының, райондаштарының киләсәгенә битараф булмаған, һау-сәләмәт тормошто пропагандалаған әүҙем егеттәр ойошманың уставын булдырыу юлында. Ойошмаға ингән утыҙлаған ир уҙаманы йәштәрҙе айыҡ тормошҡа әйҙәй, спортҡа ылыҡтыра, ғөрөф-ғәҙәттәрҙе тергеҙеүгә ҙур өлөш индерә. Мәсетле ауылы биләмәһе башлығы Адик Асҡаровтың әйтеүенсә, егеттәрҙең тырышлығы менән ауылда законһыҙ спиртлы эсемлектәр һатыусылар кәмегән. “Рух” ойошмаһы ағзалары спиртлы эсемлектәрҙе һатыу итеүселәр менән һөйләшеү уҙғарып, уларҙың ҡайһы берҙәрен дөрөҫ юлға баҫтырған. Бигерәк тә Айнур Минһажев, Денис Рыбас, Фәнис Хурамшин, Мирғәли Вәлшиндың ауыл тормошона индергән өлөшө ҙур. Күптән түгел ойошма ағзалары, үҙҙәре аҡса йыйылып, төрлө лозунгылар яҙылған алтаҡталар эшләтеп алды. “Тыуған илеңде бысратма!”, “Сәләмәт тормош – киләсәк нигеҙе”, “Ысын башҡорт – айыҡ башҡорт” мәғлүмәт стендтары ауылдың халыҡ күп йөрөгән урындарына ҡуйылды.

Еңел булмаған ҙур эш башлап йөрөгән егеттәрҙең изге ниәте маҡтауға лайыҡ. Әлбиттә, бер нисә кеше генә бар донъяны ялмап алған “йәшел йылан”ды ауыҙлыҡлай алмаясаҡ. Әммә эш бәләкәйҙән башлана. Егеттәрҙең тырышлығы менән бер нисә кеше, ғаилә ҡотҡарылһа ла, тимәк, уларҙың башланғысы юҡҡа түгел.

Рөстәм Юлдашев, “Рух” ойошмаһы ағзаһы:
– Тыуған илгә, халҡыбыҙға, телгә битараф булмаған егеттәр менән йыйылып, ойошма булдырҙыҡ. Уның маҡсаты: халҡыбыҙҙың ғөрөф-ғәҙәттәрен һаҡлау һәм тергеҙеү, ауылдарҙы тәртипкә килтереү, эскелеккә ҡаршы көрәшеү. Бөгөн бындай ойошмалар Малаяҙ, Мәсетле, Иҙелбай, Бишәүҙәр ауылында бар. Полиция хеҙмәткәрҙәре менән берлектә ауылдар буйлап рейдтар уҙғарабыҙ, законһыҙ спиртлы эсемлектәр һатыусыларҙы асыҡлайбыҙ. Рейд барышында бер нисә кешегә протокол да төҙөлдө.
Яңыраҡ ҙур изге эшкә тотондоҡ. Иҙелбайҙа мәсет һала башланыҡ. Ауыл халҡы ла үҙ өлөшөн индерә. “Бәйләнештә” социаль селтәрендә “Салауат районы хәмергә ҡаршы” төркөмөн булдырғанбыҙ. Ойошманың эше менән яҡындан танышырға теләүселәрҙе ошо төркөмгә ҡушылырға саҡырабыҙ.

Читайте нас:

Об использовании персональных данных

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Регистрационный номер и дата принятия решения о регистрации: ПИ № ТУ02-01671 от 27 мая 2019 г.

Телефон

8(34777) 2-13-95

Электрон почта

[email protected]

Адресы

452490, Республика Башкортостан,Салаватский район, с. Малояз, ул. Коммунистическая, 56.

Реклама хеҙмәте

8(34777) 2-05-86

Редакция

8(34777) 2-13-95

Ҡабул итеү бүлмәһе

8(34777) 2-13-95

Хеҙмәттәшлек

8(34777) 2-13-95

Кадрҙар бүлеге

8 (34777) 2-08-10