Таймый ауылы биләмәһенә Рәсәй Ғәҙәттән тыш хәлдәр министрлығының Башҡортостандағы баш идаралығынан янғын һүндереү өсөн тағылмалы цистерна бирелде.
Был махсус ҡоролманы Таймыйға Өфөнән алып ҡайттылар.
– Цистерна шуныһы менән уңайлы: янғын сыға ҡалһа, уны тракторы булған һәр кем тағып сыға ала. Янғын һүндереү ҡорамалдары менән ул тулыһынса йыһазландырылған, кәрәкле бөтә нәмәһе бар, – ти Таймый ауылы биләмәһе башлығы Ильяс Минһажев.
Көтөлмәгән хәлгә һәр ваҡыт әҙер тороу мөһим. Бигерәк тә был район үҙәгенән алыҫ ауылдарҙа көнүҙәк. Ә янғын кеүек бәлә-ҡазалар беҙҙе урап үтһен.