Өфөлә «Рәсәй – Za самбо» Бөтә Рәсәй форумы үтә

2024 йылдың 15 ноябренән 17-һенә тиклем Өфөлә, «Көрәш һарайы» яңы спорт комплексында, «Берҙәм Рәсәй» партияһы проекты сиктәрендә «Zа самбо» форумы уҙасаҡ.  600-ҙән ашыу ҡатнашыусы - Рәсәйҙең төрлө мөйөштәренән вәкилдәр - самбоның киләсәген, ауылда спортты, студенттар һәм мәктәп спортын мәсьәләләрен тикшереү өсөн йыйыласаҡ.

Самбоның тыуған көнөнә арналған тантаналы саралар сиктәрендә «Рәсәй» авиакомпанияһы (Аэрфлот төркөмө) самолеты тәүге тапҡыр Өфөгә төшәсәк. Башҡортостандың баш ҡалаһы хөрмәтенә аталған лайнер бортында «Рәсәй - Za самбо» форумында ҡатнашыусылар килә. Форум сараларының береһе – “Йондоҙ” Бөтә Рәсәй турниры Рәсәй Геройҙары иҫтәлегенә арнала.

Форумды асыу тантанаһында почетлы ҡунаҡтар иҫәбендә  «Берҙәм Рәсәй» партияһының Генераль советы секретары вәкәләттәрен ваҡытлыса башҡарыусы Владимир Якушев, Бөтә Рәсәй самбо федерацияһы президенты Сергей Елисеев, шулай уҡ сенаторҙар, Дәүләт Думаһы депутаттары, төбәк башлыҡтары һәм билдәле спортсылар булыуы көтөлә.

 Фото: Октябрь районының матбуғат хеҙмәте  

Авторы: Владимир ЛЕОНТЬЕВ