Республикабыҙ еңел атлеты Парижда Паралимпия уйындарында икенсе «бронза» алды

Башҡортостандан еңел атлет Антон Кулятин Парижда Паралимпия уйындарының бронза призеры булды. Спортсы 1500 саҡрымға йүгереүҙә өсөнсө булып килде (3:44.94). Башҡортостан спортсыларының иҫәбендә бөтәһе өс миҙал. Бынан алда Антон Кулятин 5000 метрлыҡ арауыҡта өсөнсө булды, һөңгө ырғытыуҙа Анна Кулинич-Сорокина  «бронза» яуланы. «Башинформ» агентлығы хәбәр иткәнсә, республикабыҙҙан Паралимпиадала йөҙөүселәр Богдан Мозговой, Аделина Рәзетдинова (тренер Сергей Трухачёв) һәм Андрей Николаев (тренер Фәнил Кирәев), еңел атлеттар Антон Кулятин, Анна Кулинич-Сорокина, Елена Паутова (Андрей Сафронов — лидер, тренер Пётр Буйлов), тенниссы Елена Прокофьева (тренер Ольга Байракова) ҡатнаша. Францияның баш ҡалаһында донъя кимәлендәге спорт ярыштары 28 августан 8 сентябргә тиклем бара.

Республикабыҙ еңел атлеты Парижда Паралимпия уйындарында икенсе «бронза» алды