Ныҡышмалы ярышта Салауат районы инвалидтар ойошмаһы командаһының үҙем спортсылары: Миннислам Вахитов, Руслан Ғәлин, Редик Яныбаев, Сәмиғә Бикбулатова, Мирдиян Әхмәтйәнов, иң күп мәрәйҙәр йыйып, беренсе урынды яуланы!
“Беҙҙең еңеү – команда эше. Күршеләребеҙ ҙә яҡшы сығыш яһаны. Ниһайәт, бергә осрашып, һәр беребеҙҙең сығыштары өсөн шатлана, бер-беребеҙ менән аралаша алыуыбыҙға һәм мөмкин тиклем бер-беребеҙгә ярҙам итеп, ҡаҙаныштарға бергә атларға әҙер булыуыбыҙға ҡыуандыҡ”, – тип хәбәр итте Салауат районы инвалидтар ойошмаһы белгесе Нәфисә Вахитова.
Ярышта дүрт райондан 5 команда ҡатнашты. Атап әйткәндә, Дыуан районынан ике команда: Бөтә Рәсәй инвалидтар йәмғиәтенең район ойошмаһынан һәм Бөтә Рәсәй һуҡырҙар йәмғиәтенең Төньяҡ-көнсығыш бүлексәһенән, Бөтә Рәсәй инвалидтар йәмғиәтенең Мәсетле, Балаҡатай, Салауат райондары ойошмаларынан.
Фото: Салауат районы инвалидтары ойошмаһы.