Яҡташыбыҙ иҫтәлегенә - көрәш турниры

15-18 ноябрҙә Өфөлә Артур Әхмәтханов иҫтәлегенә көрәш буйынса бөтә Рәсәй турниры үтәсәк

Ул Халыҡтар дуҫлығы проспектында урынлашҡан республика Спорт әҙерлеге үҙәгендә уҙасаҡ.

Генерал-лейтенант Артур Әхмәтханов былтыр 22 октябрҙә көс структуралары менән эш өсөн яуап биргән, хәүефһеҙлек мәсьәләләре, хоҡуҡ боҙоуҙарға ҡаршы көрәш һәм мобилизация әҙерлеге менән шөғөлләнгән вице-премьер итеп тәғәйенләнгән ине. Быға тиклем ул шулай уҡ хоҡуҡ һаҡлау органдарында эшләне, республика ЮХХДИ-һы менән дә идара итте.