+28 °С
Болотло
События и факты
6 Ноябрь 2024, 07:41
Дәүләт Думаһында ҡатын-ҡыҙҙар өсөн пенсия йәше тураһында закон проекты ҡарала
Рәсәйҙең Закон сығарыусылар советы Башҡортостан Дәүләт Йыйылышы әҙерләгән «Страховка пенсиялары тураһында»ғы Федераль закондың 5-се ҡушымтаһына үҙгәрештәр индереү тураһында» федераль закон проектын хупланы һәм уны Дәүләт Думаһына индерергә тәҡдим итте. Был хаҡта республика парламентының матбуғат хеҙмәте хәбәр итә.
Дәүләт Думаһында ҡатын-ҡыҙҙар өсөн пенсия йәше тураһында закон проекты ҡарала
Дәүләт Йыйылышы рәйесе Константин Толкачев һүҙҙәренсә, закон проекты дәүләт һәм муниципаль идаралыҡта эшләгән ҡатын-ҡыҙҙарҙы пенсия менән тәьмин итеүгә ҡағыла. Ошо категорияға ҡараған хеҙмәткәрҙәрҙең пенсия хоҡуҡтары ҡыҫырыҡлана. 2023 йылдан илебеҙҙә ҡартлыҡ буйынса страховка пенсияһы ир-егеттәргә – 65, ә ҡатын-ҡыҙҙарға 60 йәштән тәғәйенләнә. Шул уҡ ваҡытта «Страховка пенсиялары тураһында» Федераль закондың 5-се ҡушымтаһында үрҙә әйтелгән категория ҡатын-ҡыҙҙары өсөн пенсияға сығыу йәше түбәндәгесә билдәләнгән: 2024 йылда – 61 йәш, 2025 йылда – 62 йәш, 2026 йылдан башлап – 63 йәш. Был Рәсәй Федерацияһы Конституцияһына ҡаршы килә. Башҡортостан депутаттары ошо норманы яңынан ҡарарға тәҡдим итте.
Шулай итеп, закон проекты ҡатын-ҡыҙҙарға – дәүләт һәм муниципаль хеҙмәткәрҙәргә ҡартлыҡ буйынса страховка пенсияһын 63 йәштә түгел, ә 60 йәштә тәғәйенләү хоҡуғын күҙ уңында тота.
Бынан алдараҡ «Башинформ» Башҡортостанда дәүләт милкен хосусилаштырыуҙың яңы ысулын билдәләгән закон ҡабул итеүҙәре хаҡында яҙғайны.
