Яҡташыбыҙ хәрби бурысын лайыҡлы үтәй

Бөгөн күп ир-егеттәребеҙ ҡулына ҡорал алып, тыуған илебеҙҙең именлеге, дәүләттең бөтөнлөгө, яҡты киләсәк өсөн көрәшә, батырлыҡтар ҡыла. Күптән түгел махсус хәрби операцияла хәрби бурысын үтәүсе “Мәскәү” позывнойлы Әлкә ауылы егете “Махсус хәрби операцияла ҡатнашыусы” миҙалы менән бүләкләнгән. Был яҡташыбыҙҙың ҡаһарманлығы, яуаплылыҡҡа һәм иптәшлеккә һәләтлелеге, шулай уҡ үҙ эшенә тәрән бирелгәнлеге хаҡында һөйләй. Беҙ уның тураһында ғорурлыҡ менән илебеҙҙең мәнфәғәттәрен яҡлаған герой булараҡ һөйләй алабыҙ.
Яҡташыбыҙ Әлкә ауылында тыуып үҫкән. Тәүҙә тыуған ауылында, һуңынан 1-cе Малаяҙ урта мәктәбендә уҡый. Һуңынан Ҡатау-Тамаҡ техникумын тамамлай,бухгалтер-иҡтисадсы һөнәрен ала.
Былтыр яҡташыбыҙ үҙ теләге менән контракт төҙөп, махсус хәрби операция зонаһына юллана. Тәүҙә ул мотоуҡсылар полкының миномет батареяһында расчет номеры булып хеҙмәт итһә, хәҙер идаралыҡ штабы инструкторы вазифаһын уңышлы башҡара. Махсус хәрби операцияла хәрби бурысын өлгөлө үтәй, хәрби хәрәкәттәр барышында тырышлыҡ һәм профессионализм күрһәтә. Яҡташыбыҙға иҫән-һау, еңеү менән ҡайтырға яҙһын.
Хәтерегеҙгә төшөрәбеҙ, Башҡортостанда йәшәүселәр 117, 122 йәки 8(347) 218-19-19 номерҙары буйынса, шулай уҡ “Минең документтарым” күп функциялы үҙәк офистарында илдең Оборона министрлығы менән килешеү төҙөү буйынса үҙҙәрен ҡыҙыҡһындырған һорауҙарын бирә ала. Һайлап алыу пункты номеры 8(347) 248-29-31. Махсус хәрби операция зонаһында контракт хеҙмәте, хәрби хеҙмәткәрҙәргә һәм уларҙың ғаилә ағзаларына социаль ярҙам саралары тураһында һорауҙарға яуаптар башбат.рф сайтында, телеграм чат-ботында бар.
Салауат районында ирекле батальондар ойоштороу штабына түбәндәге адрес буйынса мөрәжәғәт итергә мөмкин: Малаяҙ ауылы, СССР-ҙың 60 йыллығы урамы, 5-се йорт (Салауат ауыл биләмәһе хакимиәте бинаһының 2-се ҡаты), телефондар: 8(987)592-70-59, 8(34777)2-00-71.