Табипҡа онлайн яҙылыу – Макс мессенджерының иң мөһим функцияларының береһе

Консультацияға чат-бот йәки мессенджерҙа мини-ҡушымта аша яҙылырға мөмкин. Һәр кем табипҡа барыу өсөн уңайлы ваҡыт һайлауҙан тыш, ҡабул итеү көнөн күсерә йәки, әгәр пландар үҙгәрһә, уны бөтөрә ала.

Хеҙмәтте беренсе ҡулланыу өсөн шәхси мәғлүмәттәрҙе эшкәртеүгә ризалыҡ бирергә, тыуған көнөн, СНИЛС номерын күрһәтергә һәм «Дәүләт хеҙмәттәре» порталы аша авторлаштырыу үтергә кәрәк. Шунан һуң бер нисә баҫыуҙа табипҡа яҙылырға була.

Һаулыҡ һаҡлау министрлығы милли мессенджерҙа медицина сервистарын үҫтереүҙе дауам итә. Һаулыҡ һаҡлау министры урынбаҫары Вадим Ваньков белдереүенсә, ведомство үҙ функцияһын киңәйтеү өсөн Макс командаһы менән әүҙем хеҙмәттәшлек итә.

«Беҙ табипҡа яҙылыу, онлайн-консультациялар үткәреү, медицина процедураларына килешеүҙәргә ҡул ҡуйыу кеүек уңайлы медицина сервистарын булдырыу өсөн Макс милли мессенджеры командаһы менән әүҙем хеҙмәттәшлек итәбеҙ», – тип Вадим Ваньковтың һүҙҙәрен килтерә «Молодежная газета» баҫмаһы.

Һанлы медицина сервистарын үҫтереү һаулыҡ һаҡлауҙы граждандар өсөн уңайлыраҡ итә, документтар тултырыу һәм сираттарҙа көтөү ваҡытын ҡыҫҡарта.

Фото: видеонан скриншот.