-1 °С
Болотло
Бөтә яңылыҡтар
Сәйәсәт
23 Март , 14:32
Башҡортостан Башлығы Ришат Халиҡовты маҡтаулы исем менән бүләкләне
Бөгөн Башҡортостан Башлығы Радий Хәбиров хөкүмәттең оператив кәңәшмәһендә Башҡортостандың Рәсәй Президенты ҡарамағындағы тулы хоҡуҡлы вәкиле кәңәшсеһе Ришат Халиҡовҡа «Башҡортостан Республикаһының атҡаҙанған дәүләт һәм муниципаль хеҙмәт хеҙмәткәре» тигән маҡтаулы исем бирҙе.
Башҡортостан Башлығы Ришат Халиҡовты маҡтаулы исем менән бүләкләне
— Беҙҙең өлкән иптәшебеҙгә, республика идара итеү командаһында күп йылдар ағза булып торған хөрмәтле Ришат Нурахман улы Халиҡовҡа 80 йәш тулды, — тип белдерҙе республика етәксеһе.
Ришат Халиҡов компетентлыҡ, профессионализм, республикабыҙға тоғро хеҙмәт итеү өлгөһө булып тора, тип билдәләне республика Башлығы.
– Беҙ һеҙҙе ныҡ ихтирам итәбеҙ, – тине Радий Хәбиров.
Ришат Норахман улы бүләкләүҙән һуң үҙенең ҡартаймауының серен әйтте.
— Сер шунда: мин 1995 йылдан алып тыуған республикама хеҙмәт итәм. Иң һөҙөмтәле, әүҙем эшләгән хөкүмәт – тап беҙҙә, — тип билдәләне Ришат Халиҡов. — Ҡайҙа ғына эшләһәм дә, Башҡортостан Республикаһынан булыуым менән һәр саҡ ғорурландым.
Автор: Ләйлә Аралбаева
Башҡортостан Башлығы Ришат Халиҡовты маҡтаулы исем менән бүләкләне
Новости партнеров