Политолог Сергей Семенов Рәсәй президентын һайлау кампанияһының үҙенсәлектәре хаҡында һөйләне

- Рәсәйҙә президент һайлау яңы формула буйынса - өс көн дауамында бара. Был һайлаусыларға иң ҡулай ваҡыт һайлау мөмкинлеге бирә, шуға күрә тауыш бирергә килеүселәр һаны артырға тейеш. Минеңсә, был һайлаусыға ҡарата ихтирам тойғоһо. Дәүләт һәр кемдең тауышын, фекерен һәм позицияһын алырға теләй.

Һайлауҙарҙа иң мөһиме - һайлаусыларҙың килеүе, тип билдәләне Семенов.

- Кешеләр үҙ фекерен белдерергә, власты формалаштырыуҙа ҡатнашырға теләй. Дөйөм алғанда, бөтә позициялар ҙа илһөйәрлек йүнәлешендә, әммә сәйәси ҡарашты ғәмәлгә ашырыуҙың төрлө варианттары менән берләштерелгән. 

Семенов һайлауға килеү күрһәткесенең юғары, ил буйынса 70 проценттан юғары булыуын күҙаллай.

Рәсәй президентын һайлау күп осраҡта Рәсәйҙең көнбайыш илдәренең берләшкән көстәре менән ҡатмарлы көрәш алып барыуына бәйле мөһим, тип һыҙыҡ өҫтөнә алды политолог. Хәҙер илебеҙ позицияһын хуплаған граждандарҙың кәйефе һис ҡасан булмағанса ҙур роль уйнай.

- Был илгә һәм уның хәҙерге шарттарҙа позицияһына ҡарата гражданлыҡ тойғоһо сағылышы, - тине Сергей Семенов.

Сығанаҡ: https://mgazeta.com/news/novosti/2024-03-15/politolog-sergey-semenov-rasskazal-ob-osobennostyah-izbiratelnoy-kampanii-vyborov-prezidenta-rossii-3682684 

#ВыбираемПрезидента
#Башкортостан
#БашВыбор2024