+22 °С
Дождь
Сәйәсәт
8 Сентября 2023, 08:00
Рәсәйҙә ауыл ипотекаһы программаһы 2024 йылда тергеҙелә
Рәсәйҙең Ауыл хужалығы министрлығы 2024 йылда ауыл ипотекаһы программаһын тергеҙергә иҫәп тота һәм 2023 йылдың аҙағына тиклем ауыл хужалығы тармағын льготалы кредитлауҙы тергеҙеү өҫтөндә эшләй. Был хаҡта бөгөн, 6 сентябрҙә, Дәүләт Думаһының контроль һәм аграр мәсьәләләр буйынса комитеттарының берлектәге ултырышы барышында ауыл хужалығы министры Дмитрий Патрушев белдерҙе.
Рәсәйҙә ауыл ипотекаһы программаһы 2024 йылда тергеҙелә
«Льготалы ипотеканы яңы йылдан башларбыҙ тип уйлайым... Аҡсаның бер өлөшө, ысынлап та, бөттө, төп ставканың артыуын иҫәпкә алып, беҙҙең элек бирелгән кредиттар буйынса бурыстар күбәйҙе. Шуға ҡарамаҫтан, аҡса алырбыҙ һәм яңы йылда ауыл ипотекаһын бирә башларбыҙ тип уйлайым», - тине Патрушев.
Вәкәләтле банктар Үҙәк банк төп ставкаһын йылына 12% тиклем арттырғандан һуң 25 августан «Ауыл ипотекаһы» программаһы буйынса яңы ипотека кредиттарын биреүҙе ваҡытлыса туҡтатты.
«Башинформ» хәбәр иткәнсә, ауыл ипотекаһы проекты 2020 йылда «Ауыл биләмәләрен комплекслы үҫтереү» программаһында төп проекттарҙың береһе булараҡ эшләй башланы һәм ҙур популярлыҡ менән файҙаланды, бигерәк тә Башҡортостанда. 2022 йылда «ауыл ипотекаһы» мөҙҙәтһеҙ тип иғлан ителде, ә 2023 йылдың июлендә күләме 6 миллион һумға тиклем арттырылды. Ауыл ипотекаһының ставкаһы 3% артманы. 2023 йылдың тәүге алты айында торлаҡ һатып алыу өсөн льготалы программа буйынса дөйөм суммаһы яҡынса 1,2 миллиард һумлыҡ кредиттар бирелгән.
