Халыҡ интернетта нимәгә зарлана?

Радий Хәбировҡа социаль селтәрҙәр аша мөрәжәғәт итергә була Республика етәкселеге хәҙер социаль селтәрҙәр аша халыҡтың кәйефен, ҡәнәғәтһеҙлеген билдәләй. Башҡортостан Башлығы Хакимиәтендә ошо эште күҙәтеп барыусы һәм граждандарҙың мөрәжәғәтен ҡараусы эшсе төркөм барлыҡҡа килде. Чиновниктарға Интернетта үҙҙәренең шәхси биттәрен асырға ҡушылды. Башҡортостан Башлығы вазифаһын ваҡытлыса башҡарыусы Радий Хәбиров “Бәйләнештә”, “Фейсбук”, “Инстаграм”, “Класташтар” социаль селтәрҙәрендә яҙмаларын алып бара. Уның постары аҫтына кешеләр үҙҙәренең төрлө үтенестәрен яҙа. Республика етәксеһе Хакимиәтенең эшсе төркөмө белгестәре һорауҙарҙы, әлбиттә, уларҙың иң мөһимдәрен һәм дөйөм халыҡ мәнфәғәтенә ҡағылғандарын, контролгә алып, муниципалитеттар, яуаплы ведомстволар, ойошмалар ҡарамағына юллай, аныҡ хәл итеү талабын ҡуйып (“отписка”лар ҡабул ителмәй), уның үтәлешен күҙәтеүҙә тота. Яңыса алым “Инцидент-менеджмент” системаһы, тип атала. Был система нисек эшләй? Тулыраҡ...