Өфөлә легендар Еңеү эстафетаһы үтте

Спорт сараһын асыу тантанаһынан һәм Мәңгелек утҡа сәскәләр һалыуҙан һуң йүгереүҙәр башланды. Йола буйынса ярышта уҡыусылар, студенттар һәм теләгән һәр кем ҡатнашты. Ҡунаҡтар Бөйөк Ватан һуғышы һәм спорт ветерандары булды.

Өфө хакимиәтенең физик культура һәм спорт буйынса идаралығы начальнигы Егор Сорокин 80 йыл элек илгә Еңеү килтергән ветерандарға рәхмәт белдерҙе.

- Бөгөн фашизмға ҡаршы көрәшеүен дауам иткән һәм бөтә нәмәлә лә беҙҙең ғәмәлдәребеҙҙең дөрөҫлөгөн иҫбатлаған МХО-ла ҡатнашыусыларға рәхмәт һүҙҙәрен еткерәбеҙ. Бөтә ветерандар һәм махсус хәрби операцияла ҡатнашыусылар алдында баш эйәбеҙ. Беҙ тылда мөмкин булғандың барыһын да эшләйбеҙ, гуманитар ярҙам ебәрәбеҙ һәм Еңеүгә ышанабыҙ. Барығыҙға ла тыныслыҡ теләйем! Эстафетала ҡатнашыусыларға тиҙ секундтар һәм иң көслөләр еңһен! - тине ул

БР Спорт министрлығының физкультура-күмәк эштәр бүлеге начальнигы Андрей Григорьев билдәләүенсә, байрам алдынан еңеү паркында эстафета үткәреү бик символик мәғәнәгә эйә.

- Еңеү еңел атлетика эстафетаһы еңел булмаған сара. Бөгөн һеҙ 80 йыл элек Ватаныбыҙҙы һәм еңеүебеҙҙе яҡлағандарҙың даны хаҡына йүгерәсәкһегеҙ. Һәм, әлбиттә, махсус хәрби операцияла быны эшләүселәрҙең даны өсөн. Ҡатнашыусылар, беҙ һеҙгә героик үткәнебеҙ һәм бөгөнгө геройҙарыбыҙ өсөн ҙур рәхмәт һәм ғорурлыҡ тойғоһо менән дистанцияны үтеүҙе теләйбеҙ. Был спорт сараһы беҙҙең дөйөм доғабыҙ булһын, ул күптән көтөлгән еңеүҙе һәм тыныслыҡты яҡынайтасаҡ, - тип спорт сараһында ҡатнашыусыларға мөрәжәғәт итте "Молодежная газета" баҫмаһының баш редакторы вазифаһын башҡарыусы Алһыу Мулләхмәтова.

Фото: "Молодежная газета".