Үҙәк дауаханала – яңы аппарат

Яңы аппарат стационарҙың беренсе ҡатында капиталь ремонт үткәрелгән яңы кабинетта урынлаштырылды. “Диаком” рентген диагностика аппараты операторҙарҙың теләһә ниндәй ихтыяжын ҡәнәғәтләндереү өсөн эшләнгән, уның менән ҡулланыуы еңел. Аппарат теләһә ниндәй рентгенография тикшереүен үтәй ала, ул тиҙ ярҙам күрһәтеү өсөн дә ҡулай. Нурланыштың горизонталь һәм вертикаль күсеүе һәм уның 180 градусҡа әйләнеүе күкрәк ситлеген һәм башҡа өлкәләрҙе тикшереү өсөн ҙур мөмкинлек бирә. Был диагностика комплексы район халҡына ваҡытында диагностика яһарға һәм ашығыс медицина ярҙамы күрһәтеү сифатын яҡшыртырға булышлыҡ итәсәк. Аппарат “Һаулыҡ һаҡлау” милли проектына ярашлы ҡайтарылды.