+17 °С
Облачно
Милли проекттар
16 Июля , 11:27
Салауат районында юлдың тағы бер участкаһы төҙөкләндерелде
Салауат районында Миәшәгәр – Торналы – Мөрсәлим юлының Йыланыш ауылы аша үткән 3 саҡрымлыҡ участкаһында капиталь ремонт тамамланған. Эштәр «Тормош өсөн инфраструктура» милли проекты сиктәрендә финансланған.
Салауат районында юлдың тағы бер участкаһы төҙөкләндерелде
Фото: БР Транспорт министрлығы | МАХ
Юл эшселәре мәктәп янында йәйәүлеләр өсөн юл, йәйәүлеләр үткәүелен эшләгән, кәртәләр урынлаштырған, билдәләр ҡуйған.
2023 йылда Миәшәгәр – Торналы – Мөрсәлим Башҡортостан Башлығы тәҡдим иткән емерек юлдар программаһына индерелде. Властарға Салауат районы өсөн мөһим булған трассаның торошона бик күп ялыуҙар килде, сөнки ауыр йөк машиналары юлды йөрөй алмаҫлыҡ итеп боҙа.
Былтыр Урмансы һәм Лағыр ауылдары аша ике участка төҙөкләндерелде. Ремонтлау планында бөтәһе алты участка һәм күпер бар ине.
Элина Әхмәтова
