Рәсәйҙә "Фән. Геройҙар биләмәһе" фәнни-популяр конкурсы үтә

"Молодежная газета" яҙыуынса, конкурс 10-22 йәштәрҙәге мәктәп уҡыусылары һәм студенттар өсөн асыҡ. Конкурста ҡатнашыусылар биш этапты үтә, шул иҫәптән социаль селтәрҙәр платформаларында эштәр, яңы башлап тороусылар һәм эксперттар өсөн һорауҙар бирелгән. Теркәлеү өсөн герои.наука.рф сайтына инергә кәрәк, унда ҡатнашыусылар махсус мәсьәләләр сисә һәм тематик квиздар, квестар үтә. Шулай уҡ унда Рәсәй ғалимдарының ҡаҙаныштары тураһында материалдар урынлаштырылған.

Беренсе этап 31 октябрҙән 20 ноябргә тиклем булды, икенсеһе - 21 ноябрҙән 11 декабргә тиклем, өсөнсөһө 12-18 декабрҙә уҙа. Ярымфинал - 21-29 декабрҙә, ә финал 2025 йылдың 8 февралендә Н.Э.Бауман исемендәге Мәскәү дәүләт техник университетында була.

Еңеүселәр ғилми үҙәктәрҙә стажировка үтеп, Мәскәү дәүләт техник университетына уҡырға ингәндә өҫтәмә балл аласаҡ. 2024 йылда конкурс 23 меңдән ашыу ҡатнашыусыны йәлеп иткән. Уҙған миҙгел еңеүселәренең береһе, Наталья Ершова, Евразия ғилми-белем биреү үҙәгендә стажировка үтте, унда медицина генетикаһын һәм геномдың темпераментҡа йоғонтоһон өйрәнде. Наталья билдәләүенсә, конкурста ҡатнашыу үҙеңде үҫтереүгә һәм ғилми ҡаҙаныштарға дәртләндерә.

Фото: "МГ".