Мәскәүҙә ЭкваТэк 2023 һыу тармағы өсөн ҡорамалдар күргәҙмәһе асылды

«Таҙа һыу» федераль проекты 83 төбәктә тормошҡа ашырыла: бөгөнгә илдә йәшәүселәрҙең 88 процентын сифатлы эсәр һыу менән тәьмин итеүгә өлгәшелде, ә ҡала халҡы өсөн был күрһәткес 94% тәшкил итә. ЭкваТэкка бөтә Рәсәйҙән: Мәскәүҙән, Санкт-Петербургтан, Ленинград, Мәскәү, Калуга, Ярославль, Силәбе, Новгород, Ярославль, Владимир, Нижегородка, Һамар, Тверь, Һарытау, Смоленск, Омск, Новосибирск өлкәләренән, Башҡортостан Республикаһынан, Алтай крайынан, Пермь крайынан, Приморье крайынан - йәмғеһе илдең 30 төбәгенән 400-ҙән ашыу компаниянан, Ҡытайҙан, Белоруссиянан, сит илдәрҙән ҡорамалдар һәм хеҙмәттәр етештереү тәҡдим ителә.

Күргәҙмәлә тәҡдим ителгән йөҙләгән яңы ҡорамал һәм инновацион технологиялар предприятиеларҙың: торлаҡ-коммуналь хужалыҡ, аҙыҡ-түлек, яғыулыҡ-энергетика, металлургия, химия, фармацевтика һәм сәнәғәттең башҡа тармаҡтарының ихтыяжын ҡапларға ярҙам итәсәк.

Күргәҙмә сиктәрендә торлаҡ-коммуналь хужалыҡ белгестәре, инженерҙар, экологтар һәм тармаҡтың башҡа профессионалдары өсөн форум үтә. Ул тотороҡло һыу хужалығы комплексын төҙөү, таҙартыу ҡоролмаларын проектлау һәм файҙаланыу, ағынты һыуҙар менән эшләү, тармаҡты һанлаштырыу һәм тармаҡ ҡануниәтендәге төп үҙгәрештәрҙең нескәлектәрен асасаҡ.