Владимир Касютин: фотоитектәр тураһында ишеткәнһегеҙҙер?!

Тәжрибәле спикер билдәләүенсә, фотоһүрәттәр ҙур планда булырға тейеш, һоро ҡушымталарҙы һирәгерәк ҡулланырға кәрәк, сөнки улар гәзиттең боҙа.

- Уҡыусылар һәм партнерҙар баҫманың дизайны һәм контенты ҡыҙыҡлы һәм профессиональ булһа, уға хөрмәт менән ҡарараясаҡ, - тине ул.

Владимир Леонидович шулай уҡ лидтар, мәҡәләләрҙә төрлө-төрлө баштар ҡуйырға кәрәклеген иҫкә төшөрҙө. Уның фекеренсә, фотоһүрәттәрҙә график сүп-сар түгел, ә кешеләр булырға тейеш.

- Гәзит битенә бер ҙур фотоһүрәт һәм башҡа фотоларға сайтта йәки социаль селтәрҙә QR-код биреү яҡшыраҡ булыр ине, - тип билдәләй спикер. - Фотоларҙың тексты уҡырға ҡамасауламауы мөһим. Шулай уҡ сәхифәгә фотоитектәр (фотосапоги) ҡуйырға мөмкин. Бындай материал уҡыусыларҙы йәлеп итә.

Владимир Касютин көньяҡ-көнбайыш район-ара ижади берекмәгә ҡараған гәзиттәргә сифатлы анализ яһаны. Дизайндары юғары кимәлдә булған баҫмаларҙы билдәләне.

Иҫегеҙгә төшөрәбеҙ, семинар сиктәрендә Йәрмәкәй районында тәжрибәле спикерҙар "районкалар" журналистарын сифатлы йөкмәтке һәм дизайн буйынса уҡытты.

Журналистарҙың семинары Башҡортостан Республикаһы Башлығы гранттары фонды гранты иҫәбенә ойошторола.

#АНОРазвитие
#ГрантыРБ #ФСГОРБ#смигранты2024
#МастерскаяЖурналистики

Сығанаҡ: https://vk.com/wall-222973759_32