Башҡортостанда йәнә "Журналистика оҫтаханаһы" старт алды

Унда Мәләүез, Стәрлетамаҡ, Ишембай, Күмертау һәм Салауат ҡалаларының, шулай уҡ Күгәрсен, Көйөргәҙе, Стәрлебаш, Федоровка, Ғафури райондарының гәзит редакциялары журналистары ҡатнаша.

Ғафури районы хакимиәте башлығының иҡтисади үҫеш мәсьәләләре буйынса урынбаҫары Гөлнара Ғөбәйҙуллина йыйылыусыларға сәләмләү һүҙе менән мөрәжәғәт итте.

- Район гәзите - ул бай тарихлы, Ғафури халҡының яратҡан баҫмаһы, - тине Гөлнара Ринат ҡыҙы. - Журналистар һәр саҡ алғы сафта. Улар йүнәлештәрҙе билдәләй һәм йәмәғәтселек фекерен формалаштыра.

"Башҡортостан Республикаһы" нәшриәт йорто дәүләт унитар предприятиеһының генераль директоры Рәсүл Сәфәрғәлиев редакцияларҙың әүҙем хеҙмәткәрҙәренә почет грамоталары һәм рәхмәт хаттары тапшырҙы.

«Журналистика оҫтаханаһы» проекты авторы Ринат Шәйбәков республика һәм район тормошонда журналист ҡәләменең мөһим ролен билдәләне.

БР Журналистар союзы консультанты Илшат Зарипов Башҡортостан һәм Рәсәй Журналистар союздарының яңы ағзаларына танытмалар тапшырҙы.

Алда журналистарҙы бай һәм ҡыҙыҡлы белем биреү программаһы көтә. Спикерҙарҙан журналистар араһында билдәле эксперттар Сергей Мешавкин, Әлфиә Байбурина, Станислав Шахов, Дарья Касьянова һәм башҡалар бар.

Журналистарҙың семинары Башҡортостан Республикаһы Башлығы гранттары фонды гранты иҫәбенә ойошторола.

#АНОРазвитие
#ГрантыРБ #ФСГОРБ#смигранты2024
#МастерскаяЖурналистики