Башҡортостан журналистары йәнә "Журфест"ҡа йыйыла

Быйылғы фестиваль, Рәсәй Президенты Владимир Путин иғлан иткән Ғаилә йылына ярашлы, "Медиағаилә" темаһына арнала, тип хәбәр итә "Республика Башкортостан" гәзите. Тап ғаилә медиа өлкәһе профессионалдарын да тәрбиәләй. Ә киң мәғәнәлә был тәжрибә һәм тәьҫораттар менән уртаҡлашасаҡ берләшмәләр, төркөмдәр йыйылмаһы.

Фестивалдә журналистарҙың ҙур ғаиләһе ағзалары медианың тормошобоҙға нисек йоғонто яһауын тикшерәсәк, ә һанлы технологиялар һәм яһалма интеллект мәғлүмәт биреүҙең һәм аралашыуҙың яңы моделдәрен формалаштырасаҡ. Фестиваль программаһында тармаҡтың иң яҡшы вәкилдәрен бүләкләү, оҫталыҡ дәрестәре, ихаталарҙы презентациялау, конкурстар, спорт ярыштары һәм музыкаль программа ҡаралған. Эшлекле өлөштә республика журналистары алдында федераль эксперттар сығыш яһаясаҡ, улар көн тәртибенең иң көнүҙәк темалары буйынса тәжрибә уртаҡлашасаҡ.

"Журфест" Башҡортостанда 10 йылдан ашыу уҙғарыла һәм журналистар өсөн ҙур сараларҙың береһе булып тора. Йыл һайын киң мәғлүмәт саралары вәкилдәре көнүҙәк мәсьәләләр буйынса фекер алыша һәм республиканың матур урындарында ял итә.

Проект Башҡортостан Башлығы гранты саралары ярҙамында тормошҡа ашырыла.

Фото: "Журфест"тың ВК-лағы сәхифәһе