Иртәнге "Сәләм" телешоуында бүләктәр уйнатылды

29 июлдә Башҡортостан юлдаш телевидениеһының тура эфирында 2024 йылдың икенсе ярты йыллығына республика, ҡала һәм район баҫмаларына яҙылыусылар араһында бүләктәр уйнатылды. "Яҙыл һәм бүләк от" акцияһында еңеүселәрҙең исемдәрен "Башҡортостан Республикаһы" нәшриәт йорто дәүләт унитар предприятиеһының ваҡытлы матбуғат бүлеге начальнигы Айнар Байбулатов һәм уның урынбаҫары Клара Әхиәрова иғлан итте.

Уҡыусылар биш йөҙҙән ашыу матбуғатҡа яҙылыу квитанцияһын ебәрҙе. Унда ҡатнашыу өсөн "Башҡортостан Республикаһы" нәшриәт йортоноң ике баҫмаһына (республика гәзит-журналына, район йәки ҡала гәзитенә) ярты йылға яҙылырға кәрәк ине. Конкурста шулай уҡ гәзиттәрҙең электрон версияларына яҙылыусылар ҡатнашты.

Беренсе төп бүләк - мотоблок Ауырғазы районынан Е.В. Алексеевҡа эләкте, ул үҙе өсөн һәм "Изге яҙылыу" хәйриә акцияһы сиктәрендә "Аургазинский вестник" гәзитенә яҙылған. Ноутбук Дыуан районынан В.И. Яковлеваға сыҡты, ул "Дуванский вестник" гәзитен һәм "Рампа" журналын алдыра. Телевизорҙы Стәрлетамаҡ ҡалаһынан "Ҡызыл таң" һәм "Стерлитамакский рабочий" гәзиттәренә яҙылған Г.Р. Ҡорбанғолова отто. Туңдырыу лары Ауырғазы районынан Ф.В. Дилмөхәмәтов алды, ул "Йәшлек" һәм "Аургазы хәбәрчесе" гәзиттәренә яҙылған. Робот-саң һурҙырғыс Хәйбулла районы Мәмбәт ауылынан С. Ҡарабаеваға эләкте, ул "Йәшлек" һәм "Хайбуллинский вестник" гәзиттәрен алдыра.

"Башҡортостан Республикаһы" нәшриәт йорто иҫегеҙгә төшөрә, 1 июлдән 2025 йылдың беренсе ярты йыллығына һәм 2025 йылға ваҡытынан алда яҙылыу кампанияһы башланды. Ошо осорҙа уҙған ярты йыллыҡ хаҡтары буйынса ташлама менән матбуғатҡа яҙылырға мөмкин. 

Фото: скриншот видео.