«Китап байрамы» йәрминкәһендә «Изге яҙылыу» акцияһында бүләктәр уйнатылды

Кисә «Изге яҙылыу» хәйриә акцияһына «Мисс Ғаләм» титулына эйә булған, билдәле алып барыусы һәм актриса Оксана Федорова ҡушылды. Уны «Китап байрамы» китап йәрминкәһенә абруйлы ҡунаҡ сифатында саҡырҙылар. Ул «Республика Башкортостан» гәзитенә уның ветерандарына яҙылды, шулай уҡ махсус хәрби операцияла ҡатнашыусыларҙың ғаиләләре өсөн бер нисә гәзиткә яҙылды.

Иҫегеҙгә төшөрәбеҙ, 24 майҙан 26-на тиклем хәрби хеҙмәткәрҙәрҙең ғаиләләренә, ветерандарға һәм теләгән һәр кемгә «Башҡортостан Республикаһы» нәшриәт йорто гәзит һәм журналдарына яҙылып, ошондай бүләк эшләргә мөмкин. Һеҙҙе Зәйнәб Биишева исемендәге «Китап» нәшриәте стенды янында көтәләр.

Йәрминкәлә көн һайын киске сәғәт 6-ла «Башҡортостан Республикаһы» нәшриәт йорто яҙылыусылар араһында бүләктәр уйната. Отош уйынында «Китап байрамы» майҙанында ярты йылдан кәм булмаған ваҡытҡа матбуғатҡа яҙылғандар ғына ҡатнаша ала.

Фото: «Республика Башкортостан» нәшриәт йорто видеояҙмаһынан скриншот