“Йүрүҙән”де яратып уҡыйбыҙ”

– Монай ауылынан бабайым, әсәйемдең бер туған ағаһы, Сөнәғәт Нәсибуллин элекке “Большевистик колхозға” тип аталған район гәзитенең тәүге мөхәррире булды. Бәләкәй саҡтан район матбуғаты менән танышмын. Мәктәптә уҡытҡан осорҙа география фәне дәрестәрендә гәзит материалдарын йыш файҙалана торғайным. Хәҙер ҙә “Йүрүҙән”де яратып уҡыйым. Һуңғы йылдарҙа халыҡтың гәзит алдырмауы ғына борсой, – ти педагогик хеҙмәт ветераны, Фәйзуллиндарҙың данлы уҡытыусылар династияһына нигеҙ һалыусы Рәшит ағай. Шулай уҡ ул бер йылда ла “Башҡортостан” гәзитенән ҡалмай.

– Гәзит менән беҙ ҙә ғүмер буйы дуҫбыҙ. Почта килһә, ҡатыным Миләүшә Сафа ҡыҙы менән иң тәүҙә “Йүрүҙән”де ҡарап сығабыҙ. Шулай уҡ “На земле Салавата”, “Башҡортостан Йома” гәзиттәрен дә алдырабыҙ, – тине Фәрит Фәйзуллин, йәштәшенең һүҙҙәрен ҡеүәтләп.

Быйыл икеһе лә туғыҙ тиҫтәһен тултырған ветеран уҡытыусыларға артабан да беҙҙең менән бәйләнеште өҙмәүҙәрен теләйбеҙ. Улар кеүек тоғро уҡыусыларыбыҙ күберәк булһын ине.