Колледж филиалы яугирҙәргә "буржуйка"лар эшләп ебәрҙе

– Преподаватель Риволь Борханов һәм мастер Фаил Абдрахманов етәкселегендә "Сварщик" һөнәренә уҡыусы егеттәр Айгиз Хөрмәтуллин, Айгиз Мөфтиев, Рушан Хөснуллин, Илназ Мөхәмәтйәнов һәм Йәлил Хәкимов практика мәлендә иретеп йәбештереп дүрт мейес эшләне. Ҡалын тимер материалдар менән район Хакимиәте ярҙам итте. “Буржуйка”лар махсус хәрби операция зонаһына райондан киткән гуманитар йөк менән ебәрелде, – тип хәбәр итте филиал мөдире Рәфис Ғибаҙуллин.

Дыуан күп профилле колледжы филалы махсус хәрби операцияла ҡатнашыусыларға әүҙем хәйриә ярҙамы күрһәтә. Филиалдың ҡатын-ҡыҙ хеҙмәткәрҙәре күп итеп туҡмас киҫеп килтергән, уҡытыусылар өйҙә үҙҙәре әҙерләгән ризыҡтар алып килгән. Бынан тыш, улар яугирҙәргә кәрәкле ҡорамалдар һатып алыуҙа ла үҙ өлөшөн индерҙе.

Фото: Дыуан күп профилле колледжының Малаяҙ ауылы филиалы.