“XXI быуат славяндары” фестивалендә – һөнәрселәр йәрминкәһе һәм славян ихаталары

Рус ихатаһын Өфө районының “Красный Яр” һәм Краснокама районының “Никольский храм” тарихи-мәҙәни үҙәктәре тәҡдим итте. Ҡунаҡтар сарафан, самауыр, бәлеш, рус өйөнөң фотозонаһын, шулай уҡ таҡталарҙы һәм матрешкаларҙы биҙәү, һаҡлағыстар (оберег) үреү һәм ҡурсаҡтар эшләү буйынса оҫталыҡ дәрестәрен ҡараны.

Белорус ихатаһы аҡ етен, ҡыҙыл сигеү, драниктар һәм ҡыңғырауҙар менән таныштырҙы. Бында ептәрҙән һаҡлағыс эшләү буйынса оҫталыҡ дәрестәре үткәрелә һәм һалам ҡурсаҡтар үрелә.

Казак ихатаһын Октябрь һәм Өфө райондарының мәҙәниәт идаралыҡтары ойошторҙо: черкескалар, шашкалар, казак йырҙары һәм фланкировкаға өйрәтеү.

Болгар ихатаһы башҡорт һәм болгар орнаменттары менән панно, мартеницалар, милли костюмдар һәм оҫталыҡ дәрестәре менән таныштырҙы.

Украин ихатаһын Стәрлетамаҡ районының мәҙәниәт идаралығы әҙерләгән: сигеүҙәр, веноктар, петриков биҙәктәре. Янында өфө Епархияһының дини әҙәбиәт һәм ҡыңғырау манараһы менән күргәҙмәһе эшләй.

Айырым зона МХО-ла ҡатнашыусыларға гуманитар ярҙам күрһәтеүгә арналған: ирекмәндәр маскировка селтәрҙәре үрә, һәр кем теләгән таҫманы бәйләй ала.

Һөнәрҙәр йәрминкәһендә башҡортостан оҫталары, һөнәрселәр һәм йәштәр йыйылды. Сувенирҙар, ҡайын туҙынан әйберҙәр, мәрйен биҙәүестәр, автор матрешкалары һәм уйынсыҡтар тәҡдим ителә. Өфө технология һәм дизайн колледжы студенттары традицион кокошниктар һәм заманса декоратив сәскәләр күрһәтте. Оҫталыҡ зоналары эшләй, унда билбау, бау һәм ҡурсаҡ-һаҡлағыстар үрергә өйрәтәләр.

Балалар һәм ғаиләләр өсөн славян уйындары, ярыштары, шашка менән фланкировкаларға өйрәтеү менән интерактив зона ойошторолған.

Фото: Владимир Стаханов.