Башҡортостанда Яңы йыл ваҡиғалары календары

20 декабрҙән 20 ғинуарға тиклем Ишембай районында Торатау шиханы эргәһендәге Ҡыш бабай резиденцияһында байрам программаһы ойошторола. Ул өлкәндәргә һәм балаларға иҫәпләнгән. Тирмәлә ҡунаҡтарҙы хужа үҙе ҡотлаясаҡ, һуңынан санала, ҡаргиҙәрҙә, бананда йәки атта йөрөргә тәҡдим итәсәк (0+).

26 декабрҙән 12 ғинуарға тиклем Өфөлә Ленин исемендәге майҙанда Ҡыш бабай резиденцияһы эшләйәсәк. Уны асыу көнөндә үҙәк ҡала шыршыһында уттар ҡабыҙыу тантанаһы үтә. Бынан тыш, Өфө Ҡыш бабайы барлыҡ теләүселәрҙе Яңы йылды ҡаршы алырға һәм байрам программаһында ҡатнашырға саҡыра (0+).

27 декабрҙән 13 ғинуарға тиклем Стәрлетамаҡта сауҙагәр Патрикеевтың Комсомол урамы, 43 адресы буйынса урынлашҡан килемле йортонда оҫтахана-музейҙар яңы йыл фестивале үтәсәк. Бында экскурсиялар һәм оҫталыҡ дәрестәре менән биш экспозиция асыу күҙаллана. Һөнәрселек шоколады музейы һәм икмәк музейы продукция әҙерләү буйынса практик дәрестәр тәҡдим итәсәк (12+).

30 декабрҙән 8 ғинуарға тиклем Салауат районында «Янғантау» геопаркы ҡунаҡтарға ҡыҙыҡлы экскурсиялар, контактлы зоопаркка барыу, тройка аттар егелгән санала йөрөү, паракордтан беләҙек үреү буйынса оҫталыҡ дәрестәре тәҡдим итә (0+).

31 декабрҙән 1 ғинуарға тиклем Өфөләге Совет майҙанында «Терра ҡыш» фестивале ойошторола. Программала артистарҙың сығышы, ҡышҡы милли уйындар, гастрозона, конкурстар, шул иҫәптән карнавал костюмдары, һәм төрлө уйындар ҡаралған (0+).

1 ғинуарҙа Өфөлә «Ҡашҡаҙанса вәғәҙәләр йүгереүе» уҙа. Уға скандинавса йөрөү фестивале лә өҫтәлде (12+).

11 ғинуарҙа Бөрө үҙенең «Бөрө билмәндәре» гастрономия фестиваленә көтә. Ойоштороусылар ҡунаҡтар өсөн концерт, презентациялар, халыҡ үҙешмәкәр коллективтарының сығышы, саҡырылған һәм урындағы артистар ҡатнашлығында төрлө тамашалар ҙа әҙерләгән (6+).

Бынан тыш, республиканың барлыҡ тиерлек райондары һәм ҡалалары үҙҙәренең байрам тамашаларын һәм Яңы йыл сараларын әҙерләгән. Глэмпингтар, ял базалары һәм туристик комплекстар ҡунаҡтарҙы шулай уҡ күңел асыу программалары менән ҡыуандырасаҡ, тип яҙа «Республика Башкортостан» гәзите. 

Фото: Башҡортостан Республикаһы Эшҡыуарлыҡ һәм туризм министрлығының матбуғат хеҙмәте.