Айгөл Әминева сығышы менән Башҡортостандың Йәрмәкәй районынан. Өфө китапхана техникумын, Силәбе дәүләт сәнғәт һәм мәҙәниәт институтын тамамлаған. 2003 йылдан Мәкәрим Төхвәтшин исемендәге һуҡырҙар өсөн республика китапханаһында эшләй, 2012 йылдан директор вазифаһын биләй.
Башҡортостан Республикаһының атҡаҙанған мәҙәниәт хеҙмәткәре, педагогия фәндәре кандидаты, Башҡортостан Республикаһының хеҙмәт ветераны, Рәсәйҙең китапхана ассоциацияһы ағзаһы, «Бөтә Рәсәй һуҡырҙар йәмғиәтенең атҡаҙанған хеҙмәткәре» билдәһе менән бүләкләнгән.
Хәтерегеҙгә төшөрәбеҙ, «Башинформ» хәбәр иткәнсә, Милли китапхана директоры Марат Зөлҡәрнәев 2022 йылда махсус хәрби операцияға саҡырылды.