+24 °С
Ямғыр
Мәҙәниәт
16 Сентябрь 2023, 09:55
«Әйҙә уйнарға» фестиваленә Ҡаҙағстандан ҡатнашыусылар килде
«Казах тили» халыҡ-ара үҙәгенең Ырымбурҙағы вәкиллеге етәксеһе Сауле Таикешева «Әйҙә уйнарға» беренсе Бөтә Рәсәй уйындар фестивалендә хеҙмәттәштәре менән сығыш яһап, ҡаҙаҡ ихатаһы хаҡында һөйләне.
«Әйҙә уйнарға» фестиваленә Ҡаҙағстандан ҡатнашыусылар килде
- Быйыл ҡаҙаҡ туҡымаһын килтерҙек, әммә бында уйынсыҡтар аҙ. Ҡаҙағстанда үҙенсәлекле уйынсыҡтар яһаған оҫталар күп. Киләһе йылда беҙ байыраҡ төрлө күргәҙмә алып киләсәкбеҙ.
Фестиваль беҙгә бик оҡшаны. Беҙгә мотлаҡ хеҙмәттәшлек итергә һәм халыҡ-ара бәйләнештәрҙе нығытырға кәрәк. Был йүнәлештә эшләйәсәкбеҙ, - тине Сауле Таикешева.
Хәтерегеҙгә төшөрәбеҙ, 14 сентябрҙән 17-нә тиклем Башҡортостан Башлығы Радий Хәбиров тәҡдиме менән Өфөлә беренсе «Әйҙә уйнарға» бөтә Рәсәй уйындар фестивале уҙа. Сараны Башҡортостан Хөкүмәте һәм Балалар тауарҙары индустрияһы предприятиелары ассоциацияһы ойошторҙо.
