Башҡорт дәүләт ҡурсаҡ театры артистары «Әйҙә уйнарға» фестивалендә ҡурсаҡ эше менән бәйле серҙәрен асты

Рәсәйҙең халыҡ артисы Айрат Әхмәтшин тамашасыларға ҡурсаҡтарҙың ниндәй булыуын, уйынсыҡ-актер менән нисек идара итергә һәм персонаждың характерын нисек тапшырырға кәрәклеген һөйләне.

- Ҡурсаҡ театры актеры күренмәй: ул шаршау артына йәшеренгән. Уның ҡулында ҡурсаҡ ҡына - һәм ул тере кеше кеүек булырға тейеш, - тине Айрат Әхмәтшин.

Бәләкәй тамашасыларға таяҡтағы ҡурсаҡ, бирсәткә ҡурсаҡты күрһәттеләр - уны актерҙар «петрушка» тип атайҙар, һәм ҡурсаҡ-рукавичка. Ҡурсаҡсының ҡулы күренмәй, юғиһә тамаша сағыу тәьҫораттар тыуҙырмай - тамашасылар ҡурсаҡ менән кемдеңдер идара итеүен аңлай. Балалар ҙур ҡыуаныс менән мини-тамашаны ҡаршы алды.

Хәтерегеҙгә төшөрәбеҙ, 14 сентябрҙән 17-нә тиклем республика Башлығы Радий Хәбиров тәҡдиме менән Өфөлә «Әйҙә уйнарға» беренсе бөтә Рәсәй уйындары фестивале уҙа. Сараны Башҡортостан Хөкүмәте һәм Балалар тауарҙары индустрияһы предприятиелары ассоциацияһы ойошторҙо.

Сығанаҡ: https://mgazeta.com/news/ajdaigrat/2023-09-15/artisty-bashkirskogo-teatra-kukol-na-festivale-ayda-igrat-raskryli-sekrety-kukolnoy-kuhni-3438840