Бөтә яңылыҡтар
Мәҙәниәт
21 Февраль 2022, 10:56

"Көмөш Уҡсы" - беҙҙә!

“VI Бөтә донъя фольклориадаһы Башҡортостанда 37 илде берләштерҙе” медиакейсы 2022 йылда “Халыҡ-ара коммуникациялар” номинацияһында иң яҡшыһы тип танылды.

"Көмөш Уҡсы" - беҙҙә!
"Көмөш Уҡсы" - беҙҙә!

"Көмөш Уҡсы" - беҙҙә!

Ошо хаҡта уҙған көндәрҙә Мәскәүҙә милли премия лауреаттарын бүләкләү тантанаһында әйттеләр. "Көмөш Уҡсы" статуэткаһы Башҡортостанға оса!

2022 йылдың 16-17 февралендә Рәсәй Йәмәғәт палатаһында иң яҡшы проекттарҙың кейстары исем туйы ойошторолдо. Заявка биреү кампанияһы йомғаҡтары буйынса премияға 13 номинацияла 348 проект дәғүә итә. Премияның шорт-лист исемлегенә Рәсәйҙең төрлө төбәктәренән 85 проект, шул иҫәптән Башҡортостандыҡы ла ингән. Беҙҙең Матбуғат һәм киң мәғлүмәт саралары агентлығының медиакейсы Бөтә донъя фольклориадаһын уҙғарған ваҡытта тәүге тапҡыр халыҡ-ара республика event-ының 50 илдең социаль селтәрҙәренә һәм медиаларына берләшеүе хаҡында. 2022 йылда премияға дәғүәселәр һәм номинанттар араһында етди конкуренция булды - финалда “Газпром”, “Рәсәй тимер юлдары”, Һаҡлыҡ банкы, “Сибур”, “Ростех” һәм башҡаларҙың PR-командалары ҡатнашты. Башҡортостандың Матбуғат һәм киң мәғлүмәт саралары агентлығы вәкиле Мәскәүҙә ойошторолған проект яҡлауҙы уңышлы үтте - Медиакейс юғары баһа алды.

Беҙҙең дуҫ командаға эштәре өсөн рәхмәт!

Белешмә өсөн: "Көмөш Уҡсы" премияһы 1997 йылда Рәсәй Сауҙа-сәнәғәт палатаһы, Рәсәй Журналистар союзы, Йәмәғәтселек менән бәйләнештәр буйынса Рәсәй ассоциацияһы тарафынан булдырылған һәм быйыл 25 йыллығын билдәләй. Уҙған сирек быуат эсендә конкурста илдең бөтә төбәктәренән биш меңдән ашыу проект ҡатнашты.

Фото: Матбуғат һәм киң мәғлүмәт саралары агентлығы.

Автор:Альфия Мингалиева
Автор:"Башҡортостан" гәзите
Читайте нас: