САЛАУАТ РАЙОНЫ ҠАТЫН-ҠЫҘҘАРЫ - МИЛЛӘТ ӘСӘҺЕ!

Өфөнөң «Торатау» конгресс-холында әүҙем йәмәғәт эшмәкәрҙәре араһында уҙғарылған IV «Ҡатын-ҡыҙ — милләт әсәһе» республика конкурсы еңеүселәрен бүләкләү тантанаһы үтте. Быйыл Башҡортостандың ҡатын-ҡыҙҙар йәмәғәт хәрәкәтенә 100 йыл тулыуға бәйле конкурс махсус юбилей датаһы менән билдәләнде.Был конкурста Салауат районынан береһенән-береһе уңған, матур, ихлас, сәләмәт һәм әүҙем тормош алып барған ҡатын-ҡыҙҙарыбыҙ Янғантау мәктәбе уҡытыусыһы Алия Ишбулдина һәм Янғантау балалар баҡсаһы тәрбиәсеһе Алһыу Ғибәҙуллина ҡатнашты.