Хәтер һәм дан йылын асыу тантанаһына рәхим итегеҙ!

Белеүегеҙсә, 2020 йыл Рәсәйҙә Хәтер һәм дан йылы тип иғлан ителде. Бының туралағы указға ил башлығы Владимир Путин ҡул ҡуйҙы. "Тарихи хәтерҙе һаҡлау һәм 1941-1945 йылғы Бөйөк Ватан һуғышында Еңеүгә 75 йыл тулыуҙы үткәреү йәһәтенән, 2020 йылда Рәсәй Федерацияһында Хәтер һәм дан йылын үткәрергә ҡарар ҡылам", ​​​- тиелгән документта. Салауат районында Хәтер һәм дан йылын асыу тантанаһы район мәҙәниәт йортонда 5 февралдә үтәсәк. Сара 19.00 сәғәттә башлана. Инеү түләүһеҙ.