«Ҡайтам! Ҡайтам! Йырҙарыма ҡайтам!»

27 ғинуар киске 7-лә «Башҡортостан» дәүләт концерт залында Башҡортостандың халыҡ шағиры, яҡташыбыҙ Рәми Ғариповтың ижадына арналған «Ҡайтам! Ҡайтам! Йырҙарыма ҡайтам!» әҙәби-музыкаль кисә үтәсәк.Кисәне ойоштороусылар республика халҡын Рәми шиғриәте аша мөхәббәт, Тыуған ил һәм кешелек тураһында һөйләшергә, халыҡ шағирының һүҙҙәренә яҙылған йырҙарға ҡушылып йырларға саҡырабыҙ. Хисле, рухлы кисәнән ситтә ҡалмағыҙ. Тап һеҙҙең өсөн генә унда Әхтәм Абушахманов, Таңсулпан Бабичева, Рушанна Бабич, Артур Ҡунаҡбаев, Илгиз Таһиров, Рәмзил Сәлмәнов, Руслан Хайсаров, Радмир Абдуллин, Фирғәт Ғарипов, Илнур Лоҡманов, Шәһит Хамматов, Вадим Ҡылысов, Салауат Юлдашбаев, Морат Рафиҡов, Лилиә Исҡужина, Гөлназ Мөхәмәҙиева, "Каруанһарай" фольклор-эстрада төркөмө, Азат Йыһаншин, Алһыу Бәхтиева, Әлим Ҡәйүмов, Фәрүәз Урманшин, Гөлсөм Бикбулатова, Айгиз Ханов, Светлана Хәкимова, Урал Ниғмәтуллиндар сығыш яһаясаҡ.