КҮҢЕЛЛЕ ҮТТЕ БАЙРАМ!

Районыбыҙҙың ауыл клубтарында Яңы йыл кисәләре үтте. Мәсетле ауылы клубы нда ла байрам бик матур итеп уҙғарылды. Ауыл халҡы һәм ҡунаҡтар өсөн мәҙәниәт усағында "Тылсымлы таяҡ" тип аталған кисә ойошторолдо. Вәсил Мырҙакамалов, Гөлшат Исламғолова, Гөлнара Ғәлимова, Алина Шиһапова, Зөлфирә Нәжмиева, Лилиә Ибраһимова, Лидиә Ханнанова, Айҙар Ғәйфуллин, Гөлфиә Камалова байрамды күңелле итеп үткәреүҙә ҙур өлөш индерҙе. Ауыл халҡы байрамға төрлө костюмдарҙа килде. Улар Ҡыш бабай, Ҡарһылыу менән шыршы тирәләй бейеп, йырлап, төрлө уйындарҙа ҡатнашып, күңел асты.