Бөтә яңылыҡтар
Мәҙәниәт
13 Ноябрь 2019, 13:32

“Ауаз” фестиваленән – Диплом менән

Илеш ра­йонының үҙәге Үрге Йәр­­кәйҙә үткән “Ауаз” баш­ҡорт этник мәҙә­ниәте һәм заманса сәнғәт рес­пуб­лика фести­валендә Лағыр ауы­лы­ның “Ми­раҫ” фольклор ан­самбле лә ҡат­нашты... тулыраҡ сайтта

Илеш ра­йонының үҙәге Үрге Йәр­­кәйҙә үткән “Ауаз” баш­ҡорт этник мәҙә­ниәте һәм заманса сәнғәт рес­пуб­лика фести­валендә Лағыр ауы­лы­ның “Ми­раҫ” фольклор ан­самбле лә ҡат­нашып, Диплом менән ҡайтты.


Фестивалдә үҙешмәкәр коллективтар, ғаилә династиялары, биҙәү-ҡулланма сәнғәте оҫталары, студенттар һәм профессиональ башҡарыусылар ҡатнашты.
– Бөтәһе 25 райондан, шулай уҡ күрше Силәбе өлкәһенән дә коллективтар килгәйне. Беҙ “Шәл өмәһе” йолаһы фольклор күренеше менән сығыш яһаныҡ. Тамашабыҙҙы халыҡ бик оҡшатты. Тәүге көн конкурс булһа, кисен Рсай ауылына беҙҙе бер нисә ансамбль менән концерт ҡуйырға алып барҙылар.

Гала-концертта ла сығыш яһау бәхете тейҙе. Ғөмүмән, Илеш районынан бик яҡты, бай тәьҫораттар алып ҡайттыҡ. Халҡының бай йәшәүе, мәҙәниәт усаҡтарының, мәғариф учреждение­ларының төҙөклөгөнә, матурлығына хайран ҡалдыҡ. Илеш районы етәкселеге юлға күстәнәстәр биреп, оҙатып ҡалды, – тип тәьҫораттары менән уртаҡлашты “Мираҫ” ансамбле етәксеһе Мәүлиә Яруллина.