Башҡортостанда иң яҡшы өҫтәмә белем биреү педагогтарының исемдәре билдәле буласаҡ

Конкурстың ойоштороусылары - Рәсәй Мәғариф министрлығы һәм Дөйөм Рәсәй Мәғариф профсоюзы, конкурс операторы - Бөтә Рәсәй художество ижадын һәм гуманитар технологияларҙы үҫтереү үҙәге.

Быйыл конкурстың финал саралары 23-27 сентябрҙә Өфөлә - «Йөрәгемде балаларға бирәм - 2023» конкурсының абсолют еңеүсеһе Татьяна Воробьева эшләгән ҡалала үтә. 26 сентябрҙә бүләкләү тантанаһы барышында лауреаттар тәбрикләнәсәк һәм абсолют еңеүсе - иң яҡшы өҫтәмә белем биреү уҡытыусыһы иғлан ителәсәк. Йола буйынса, илдең педагогик хеҙмәткәрҙәр өсөн төп һөнәри конкурстарының финал линейкаһы тап ошо конкурстан башлана.

Алдан «Йөрәгемде балаларға бирәм» өҫтәмә белем биреү өлкәһе хеҙмәткәрҙәренең һөнәри оҫталыҡ конкурсының федераль финал этабында ҡатнашыусылар билдәләнде. Улар Рәсәйҙең 42 төбәгенән 90 өҫтәмә белем биреү уҡытыусыһын һайланы. Конкурстың федераль ситтән тороп ҡатнашыу этабында илдең 82 төбәгенән 454 уҡытыусы ҡатнашты, уларҙың 90-ы финалға сыҡты.

Федераль финал этабы барышында жюри ҡатнашыусыларҙы туғыҙ номинацияла баһалаясаҡ һәм техник, нәфис, тәбиғи-фәнни, туристик-крайҙы өйрәнеү, физкультура-спорт һәм социаль-гуманитар йүнәлештәр буйынса иң яҡшы өҫтәмә белем биреү педагогтарын, шулай уҡ һаулыҡ мөмкинлектәре сикләнгән һәм инвалид балалар менән эшләүсе иң яҡшы өҫтәмә белем биреү педагогтарын билдәләйәсәк. «Өҫтәмә белем биреүҙә профессиональ дебют» һәм «Өҫтәмә белем биреүҙә остазлыҡ» номинацияларында еңеүселәр ҙә аталасаҡ.

Белешмә өсөн: «Йөрәгемде балаларға бирәм» Бөтә Рәсәй өҫтәмә белем биреү өлкәһе хеҙмәткәрҙәренең һөнәри оҫталыҡ конкурсы - балаларға өҫтәмә белем биреү системаһының төп педагогик конкурсы.

Конкурсты ойоштороусылар булып Рәсәй Мәғариф министрлығы, Дөйөм Рәсәй Мәғариф профсоюзы сығыш яһай. Операторы - Бөтә Рәсәй художество ижадын һәм гуманитар технологияларҙы үҫтереү үҙәге.

Өҫтәмә мәғлүмәт менән конкурстың рәсми сайтында https://serdtsedetyam.ru танышырға мөмкин.