Лилиә федераль грант отто

Башҡортостан Республикаһы Башлығы Радий Хәбиров:
"Республикала юғары белем биреү флагмандарыбыҙ – Өфө фән һәм технологиялар университеты, алты юғары уҡыу йортон, өс ғилми учреждениены һәм 30 индустриаль партнерҙы берләштергән Евразия фәнни-белем биреү үҙәге барлыҡҡа килде. Кампус төҙөү сиктәрендә студенттар, йәш тикшеренеүселәр, уҡытыусылар уҡый, фән менән шөғөлләнә, ижад итә һәм унда уңайлы йәшәү мөхите булдырырға тырышабыҙ".

Был ваҡиға Лилиә өсөн ысын еңеү, сөнки уның эше һәм тырышлығы бушҡа булмаған. Бында "Башҡортостан Республикаһы Башлығы ҡарамағындағы Башҡортостан дәүләт хеҙмәте һәм идара итеү академияһы" дәүләт белем биреү учреждениеһы уҡытыусыларының тәүәккәллеге һәм ярҙамы, үҙ идеяһына ышаныу уға сигенергә мөмкинлек бирмәгән. “Проектымдың хупланыуы тураһында хәбәр алғас, мин иҫ киткес хис-тойғолар кисерҙем. Был финанс ярҙамы ғына түгел, ул үҙ идеяларыңды тормошҡа ашырыу, үҙ оҫталыҡтарыңды үҫтереү һәм, бәлки, башҡаларҙы илһамландырыу мөмкинлеге. Минең проектым республика йәштәре өсөн үҙ бизнесын һәм социаль идеяларын тормошҡа ашырыу йәһәтенән шарттар булдыра аласаҡ. Хәҙер быны тормошҡа ашырыу мөмкинлеге бар! Әлбиттә, алда эш күп: проект деталдәрен эшләү, команда менән үҙ-ара эш итеү һәм эҙләнеүҙәр. Миңә ярҙам иткән һәр кемгә рәхмәт белдерәм, алда мине яңы офоҡтар ғына көтә. Был грант – минең тормошомдоң яңы мауыҡтырғыс этабының башы” – тип хәбәр итте социаль селтәрҙәрҙә Лилиә Ҡазыева.

Йәштәр эштәре буйынса федераль агентлыҡ (Росмолодежь) “Эшлекле йәштәрҙе йәлеп итеү нөктәһе” проектында ҡатнашыусыларҙы йыя. Башҡортостан Республикаһында йәштәр сәйәсәте дәүләт эшмәкәрлегенең өҫтөнлөклө йүнәлештәренең береһе булып тора, шулай уҡ йәштәр инфраструктураһын үҫтереү өсөн уңайлы мөхит булдырыу йәһәтенән дә. Студенттарға, бер яҡтан, үҙ-үҙен тормошҡа ашырыуҙың мөһимлеген күрһәтеү мөмкинлеге, икенсе яҡтан, ижади йәштәр майҙансығы булдырыу идеяһына килтерә, уның сиктәрендә системалы рәүештә белем биреү саралары төҙөлә. Шулай итеп, проект мәғариф ойошмалары йәштәренең бизнес менән мөнәсәбәттәрен камиллаштырыу өлкәһендәге ихтыяждарын ҡәнәғәтләндереүгә иҫәпләнгән.
Шуны билдәләп үтеү мөһим, Башҡортостанда һуңғы йылдарҙа фән һәм мәғариф төрлө йүнәлештәрҙә үҫешә: Өфөлә донъя кимәлендәге Евразия фәнни-белем биреү үҙәге булдырыла, ғалимдарға һәм йәш ғалимдарҙың эшкәртмәләренә грант ярҙамы бирелә, Башҡортостан вуздарының матди-техник базаһы нығытыла.

Нәфисә Вахитова, Салауат районы Инвалидтар ойошмаһы белгесе:
"Ойошмабыҙ ағзаһы, студентыбыҙ Лилиә Ҡазыеваны Евразия НОЦ-ы донъя кимәлендәге юғары уҡыу йорттары араһындағы студенттар кампусында грант алыусылар иҫәбендә бүләкләүҙәре менән ҡотлайбыҙ. Лилиә "Росмолодежь" конкурсында ҡатнашты. “Эшлекле йәштәрҙе эшҡыуарлыҡҡа йәлеп итеү нөктәһе” проектын тормошҡа ашырыу өсөн 492 000 һум күләмендә грант отто. Әлеге ваҡытта уның проектына йәштәр йыйыла. Беҙ Лилиәне уның уңышы менән ҡотлайбыҙ! Проектты уңышлы тормошҡа ашырыуын теләйбеҙ".