Өфө фән һәм технологиялар университетында "Гараж" инженерлыҡ үҙәге асылды

Рәсәй Фән һәм юғары белем министрлығының матбуғат хеҙмәтендә Башҡортостан юғары уҡыу йортоноң ҡыҙыҡлы проекты хаҡында һөйләнеләр.

"Гараж" студенттар инженерлыҡ үҙәгендә егет-ҡыҙҙар булған ҡоролмаларҙан һәм деталдәрҙән яңы эшләүсе приборҙар яһай ала. Урын даими рәүештә студенттар һораған механизмдар менән тулылана йәки уларҙы алдынғы инженерлыҡ мәктәптәренең (ПИШ) производство бүлектәре тәьмин итә.

"Гараж" университетта иртәнән кискә тиклем эшләй. Бында студенттар микроконтроллерҙар программалай, электр машиналары һәм 3D-моделдәр эшләй. Күптән түгел үҙәктә беренсе курс студенттарына проект аҙналығы үтте, уның барышында улар, командаларға бүленеп, электр самокаттары өсөн сымһыҙ зарядлау ҡоролмаһы, кәрәҙле элемтәне һүндереүсе, электр двигателе прототибы һәм башҡа ҡоролмалар эшләне.

"Киләсәк моторҙары" алдынғы инженерлыҡ мәктәбе директоры Вячеслав Вавилов билдәләүенсә, проект аҙналығы барышында студенттар яңы белемгә һорау төҙөй һәм уларҙы үҙаллы үҙләштерә.

Фото: Рәсәй Фән һәм юғары белем министрлығының матбуғат хеҙмәте.

Мария Сныткина.

"Республика Башкортостан" гәзите.