«Иң яҡшы педагогик династия» Бөтә Рәсәй конкурсына ғаризалар ҡабул ителә

«Иң яҡшы педагогик династия» конкурсы 2012 йылдан уҙғарыла, был ваҡыт эсендә унда 20 төбәктән 300-ҙән ашыу династия ҡатнашты. 2022 йылда илдең 15 төбәгенән 85 династия ситтән тороп ҡатнашыу өсөн ғариза биргән. Династия-рекордсмендың дөйөм педагогик стажы - 1197 йыл. Конкурс географияһы Рәсәй Федерацияһының ҙур төбәктәрен үҙ эсенә ала. Һөнәри бәйге педагогтарҙың династияларын берләштергән мәғариф һәм мәҙәни-ағартыу сараһы булып тора.

Конкурстың маҡсаты – педагогик династиялар вәкилдәренә күп йыллыҡ һөҙөмтәле хеҙмәте һәм мәғарифты үҫтереүгә индергән өлөшө, педагогик һөнәрҙең абруйын нығытыуға булышлыҡ итеү, мәғарифта ғаилә һәм традицион Рәсәй рухи-әхлаҡи ҡиммәттәрен популярлаштырыу өсөн йәмәғәт таныуын күрһәтеү.

Йола буйынса «Иң яҡшы педагогик династия» Бөтә Рәсәй конкурсы өс номинация буйынса үткәрелә:

- «Киләсәк нигеҙе» – дөйөм педагогик стажы 50-150 йыл тәшкил иткән династиялар өсөн;

- «Булмышы булырға» – дөйөм педагогик стажы 151 - 300 йыл тәшкил иткән династиялар өсөн;

- «Быуаттан быуатҡа»–  дөйөм педагогик стажы 300 йылдан ашыу тәшкил иткән педагогик династияларға.

Конкурс ике этапта үткәрелә. Беренсе этапта теләүселәргә ғариза биреп, уның менән бергә ғаилә династияһы ағзаларының портрет һәм төркөм фотоларын ебәрергә, шулай уҡ ғаиләнең һөнәри эшмәкәрлеге һәм педагогик стажы, уҡытыусылар быуыны һаны, уларҙың ҡаҙаныштары һәм наградалары тураһында видеовизиткаға һылтанма бирергә кәрәк.

Конкурстың икенсе этабы өс турҙан тора. Конкурс һынауҙары барышында финалсылар үҙҙәренең династияһы хаҡында һөйләйәсәк, уҡыусылар өсөн «Мөһим нәмәләр тураһында һөйләшеү» («Разговоры о важном»)темаһына дәрес үткәрәсәк һәм Өфөнөң психологик-педагогик класс уҡыусылары өсөн төбәктәрҙең күренекле уҡытыусылары һәм остаздары тураһында лекциялар уҡыясаҡ.

Ситтән тороп ҡатнашыу этабына документтар 1 августан 15 сентябргә тиклем электрон почтаға: ped.dynasty@bspu.ru ҡабул ителә. Телефоны: +7 (347) 246-32-17.

Көндөҙгө этапты үткән конкурсанттар 9-12 октябрҙә Өфө ҡалаһында конкурс һынауҙарын үтә. Беренсе этапты үткән өс кешенән торған педагогик династия вәкилдәре финалда ҡатнаша ала.

Конкурстың положениеһы менән М. Аҡмулла исемендәге Башҡорт дәүләт педагогия университеты сайтында танышырға мөмкин.