Аттестат алыу өсөн урыҫ теленән имтихан биреү етәсәк

Берҙәм дәүләт имтиханы һәм Дәүләт сығарылыш имтиханы. Һуңғыһы – вузға инергә теләмәүселәр өсөн ябайлаштырылған дәүләт йомғаҡлау аттестацияһы.

Берҙәм дәүләт имтиханы һәм Дәүләт сығарылыш имтиханы. Һуңғыһы – вузға инергә теләмәүселәр өсөн ябайлаштырылған дәүләт йомғаҡлау аттестацияһы.

Әле ун беренселәргә үҙенең ҡарарын, йәғни сығарылыш имтиханының формаһын үҙгәртеү өсөн ваҡыт бар. Был хаҡта «Рособорнадзор»ҙың йомғаҡлау аттестацияһын ойоштороу һәм үткәреү идаралығы етәксеһе Игорь Круглинский хәбәр итә:

– Төрлө сәбәпкә бәйле имтихан биреү формаһын үҙгәртергә ҡарар иткән уҡыусыларға ваҡыт бирәсәкбеҙ. Ул ваҡыт 15 майға тиклем, тип планлаштырыла.

2020–2021 уҡыу йылының сығарылыш кластары өсөн тәүге һынау – йомғаҡлау иншаһы 15 апрелдә үтәсәк. Быйыл пандемияға бәйле уны шулай һуңға күсерҙеләр. Ниндәйҙер сәбәптәр арҡаһында ул көндә инша яҙа алмағандар өсөн резерв көн ҡаралған – май байрамдарына тиклем һәм унан һуң.

БДИ-ны тапшырыуҙың төп осоро 31 майҙа старт аласаҡ һәм 25 июндә тамамланасаҡ. Һәр ваҡыттағыса, аҡларлыҡ сәбәптәр арҡаһында имтиханға килә алмаған йәки эшен эшләп өлгөрмәгән уҡыусылар өсөн резерв көндәр ҡаралған – 28, 29 июнь һәм 2 июль.

«Рособорнадзор» башлығы Анзор Музаев, донъяла мәкерле сир ҡотороуын иҫәпкә алып, резерв көндәр бик аҙ, тине. Һәм быйылға имтихан тапшырыу өсөн өҫтәмә аҙналыҡ индереп торорға тәҡдим итте. Шулай итеп, ун беренселәргә «бонусҡа» дүрт көн биреләсәк – 12, 13 һәм 14 июль, шулай уҡ бер резерв көн – 17 июль. Ошоға бәйле, «Роспотребнадзор» вуздарға ҡабул итеү имтихандарын һуңыраҡҡа күсереүҙе талап итеп мөрәжәғәт итәсәк.

Быйылғы сығарылыш класс уҡыусылары өсөн яңылыҡтар байтаҡ, шуларҙың иң мөһимдәре:

База кимәлендәге математиканан Берҙәм дәүләт имтиханы булмаясаҡ, вуздар профилле математиканы ғына талап итә. Тимәк, вузға инергә йыйынған уҡыусыға аттестат алыу өсөн урыҫ теленән имтихан тапшырып, минималь балды йыйыу ҙа етәсәк.

Юғары уҡыу йортона барырға йыйынмаған мәктәпте тамамлаусыға ошо фәндәрҙән Дәүләт сығарылыш имтиханын уңышлы тапшырыу кәрәк буласаҡ: урыҫ теле (25 май) һәм математика (28 май). Резерв көндәр – 8 һәм 10 июнь. Өҫтәмә көндәр – 13 һәм 17 июль, 3-17 сентябрь.

БДИ–2021 теҙмәһе:

31 май – география, литература, химия;

3, 4 июнь – урыҫ теле;

7 июнь – профилле математика;

11 июнь – тарих, физика;

15 июнь – йәмғиәтте өйрәнеү;

18 июнь – биология һәм сит телдәр (яҙма өлөшө);

21, 22 июнь – информатика (ИКТ) һәм сит телдәр («Һөйләшеү» бүлеге);

«Йомғаҡлау иншаһы»ның темалары:

«Забвению не подлежит».

«Я и другие».

«Время перемен».

«Разговор с собой».

«Между прошлым и будущим; портрет моего поколения».

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Регистрационный номер и дата принятия решения о регистрации: ПИ № ТУ02-01671 от 27 мая 2019 г.

Телефон

8(34777) 2-13-95

Электрон почта

[email protected]

Адресы

452490, Республика Башкортостан,Салаватский район, с. Малояз, ул. Коммунистическая, 56.

Реклама хеҙмәте

8(34777) 2-05-86

Редакция

8(34777) 2-13-95

Ҡабул итеү бүлмәһе

8(34777) 2-13-95

Хеҙмәттәшлек

8(34777) 2-13-95

Кадрҙар бүлеге

8 (34777) 2-08-10