“БАШҠОРТ ТЕЛЕНӘН ХАЛЫҠ-АРА ДИКТАНТ”

25 апрелдә, шәмбе, “Башҡорт теленән халыҡ-ара диктант – 2020” акцияһы үтәсәк.Илдәге һәм донъялағы эпидемиологик хәлдәргә бәйле, башҡорт теленән халыҡ-ара диктантты быйыл беренсе тапҡыр тулыһынса онлайн-форматта уҙғарыу планлаштырыла. Акцияла ҡатнашыу өсөн https://bashkdictant.ru/ сайтында теркәлергә кәрәк.25 апрелдә 11.00 сәғәттә "Башҡортостан юлдаш телевидениеһы" телеканалында, "Бәйләнештә", "Instagram" социаль селтәрҙәрендә, "YouTube" видеохостингында дикторҙар диктант тексын тура эфирҙа уҡый башлай.

25 апрелдә, шәмбе, “Башҡорт теленән халыҡ-ара диктант – 2020” акцияһы үтәсәк. Сараны Башҡортостан Республикаһы Мәғариф һәм фән министрлығы Башҡорт телен һаҡлау һәм үҫтереү буйынса автономиялы коммерцияға ҡарамаған ойошмаһы, Бөтә донъя башҡорттары ҡоролтайы менән берлектә уҙғара.

Илдәге һәм донъялағы эпидемиологик хәлдәргә бәйле, башҡорт теленән халыҡ-ара диктантты быйыл беренсе тапҡыр тулыһынса онлайн-форматта уҙғарыу планлаштырыла. Акцияла ҡатнашыу өсөн https://bashkdictant.ru/ сайтында теркәлергә кәрәк.

25 апрелдә 11.00 сәғәттә (Өфө ваҡыты буйынса) "Башҡортостан юлдаш телевидениеһы" телеканалында, "Бәйләнештә", "Instagram" социаль селтәрҙәрендә, "YouTube" видеохостингында дикторҙар диктант тексын тура эфирҙа уҡый башлай:

11.00 – 11.25 сәғәттәрҙә – башҡорт телен башланғыс кимәлдә белеүселәр өсөн;

11.30 – 11.55 сәғәттәрҙә – башҡорт телендә иркен аралашыусылар өсөн;

12.00 – 12.20 сәғәттәрҙә – башҡорт теленең төньяҡ-көнбайыш диалектында яҙыусылар өсөн.

Дикторҙар: Заһир Зәйнетдинов (мульти-инструменталист, шоумен) – башҡорт телен башланғыс кимәлдә белеүселәр өсөн; Флүрә Мурзина («Хәбәрҙәр» программаһының алып барыусыһы) – башҡорт телендә иркен аралашыусылар өсөн; Марсель Сәлимов (сатирик яҙыусы, шағир, публицист, тәржемәсе) – башҡорт теленең төньяҡ-көнбайыш диалектында яҙыусылар өсөн.

Акцияла һәр ҡатнашыусы диктантты үҙ аллы өйҙә яҙа ала. «Интернет» мәғлүмәт-телекоммуникация селтәре аша яҙған ҡатнашыусыларҙың эштәре https://bashkdictant.ru/ сайтындағы шәхси кабинет аша ҡабул ителә. Шулай уҡ яҙма эштәрҙең фотоһын, сканвариантын [email protected] электрон почтаһына, 8 (927) 950-02-66 Whatsapp мессенджеры һандарына 26 апрелгә 23.59 сәғәткә тиклем ебәрергә мөмкин.

Шул уҡ ваҡытта диктантты 26 апрелдә 23.59 сәғәткә тиклем http://bashkdictant.ru рәсми сайтында һәм ойоштороусыларҙың социаль селтәрҙәрҙәге сәхифәләрендә (www.instagram.com, https://vk.com/bash_fond) эфирҙың видеояҙмаһын ҡарап яҙырға мөмкин.

Диктант темаһы һәм тексы ойоштороусылар тарафынан билдәләнә. Диктант тексы ғалим-филологтар, башҡорт теле һәм әҙәбиәте уҡытыусылары ярҙамы менән 3 вариантта әҙерләнә.

Диктантта ҡатнашыусыларға сертификаттар сайттағы шәхси кабинет аша йә электрон почтаға ебәреләсәк. Акцияла һәр кеше ҡатнаша ала. Уның рәсми һөҙөмтәләре 30 көн арауығында https://bashkdictant.ru/ сайтында баҫтырылып сығасаҡ.

Фото: социаль селтәрҙән.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Регистрационный номер и дата принятия решения о регистрации: ПИ № ТУ02-01671 от 27 мая 2019 г.

Телефон

8(34777) 2-13-95

Электрон почта

[email protected]

Адресы

452490, Республика Башкортостан,Салаватский район, с. Малояз, ул. Коммунистическая, 56.

Реклама хеҙмәте

8(34777) 2-05-86

Редакция

8(34777) 2-13-95

Ҡабул итеү бүлмәһе

8(34777) 2-13-95

Хеҙмәттәшлек

8(34777) 2-13-95

Кадрҙар бүлеге

8 (34777) 2-08-10